კალიფორნიის სენატმა შტატის მასშტაბზე გათვლილი K-12 ტრანსგენდერ უფლებათა კანონი მიიღო. კანონის მიხედვით სკოლებისთვის სავალდებულო გახდება ტრანსგენდერი მოსწავლეების იდენტობის პატივისცემა, და მათთვის „სქესობრივად სეგრეგირებულ პროგრამებს, აქტივობებსა და სივრცეებში“ მონაწილეობის უფლების მიცემა.“ ეს იმას ნიშნავს, რომ ტრანსგენდერ სტუდენტებს შეეძლებათ აირჩიონ რომელი ტუალეტი გამოიყენონ და ასევე შეუერთდნენ სასურველ სპორტულ გუნდს არა მათი ქრომოსომების, არამედ მათი გენდერული იდენტობის საფუძველზე. მიუხედავად იმისა, რომ ზოგიერთი სკოლა აშშ–ში დამოუკიდებლად ატარებს მსგავს პოლიტიკას, ეს კანონპროექტი უაღრესად მნიშვნელოვანია, როგორც პირველი კანონი ამერიკაში, რომელიც შტატის მასშტაბით ავალდებულებს ტრანსგენდერი მოსწავლეებისადმი თანასწორ მოპყრობას. ორგანიზაცია Transgender Law Center აცხადებს, რომ: „კალიფორნიის შტატში განათლების სისტემაში დისკრიმინაცია უკვე აკრძალულია კანონით, თუმცა ტრანსგენდერი მოსწავლეები, მათი იდენტობის გამო, ხშირად გამოტოვებულნი არიან ფიზიკური აღზრდის აქტივობებიდან და ათლეტური გუნდებიდან, ისევე, როგორც სხვა მსგავსი სასკოლო აქტივობებიდან. ეს მიუღებლობა ცუდად აისახება მოსწავლეების უნარებზე სკოლაში წარმატებას მიაღწიონ და კლასთან ერთად დაამთავრონ იგი.“ კანონპროექტი ამჟამად გუბერნატორ ჯერი ბრაუნთან იქნა გაგზავნილი ხელმოსაწერად. წყარო