4 ოქტომბერი: ლესბოსელთა საერთაშორისო დღე
05 10 2013

4 ოქტომბერი: ლესბოსელთა საერთაშორისო დღე ავსტრალიაში აღმოცენებული ლესბოსელთა საერთაშორისო დღის წარმომავლობა დღემდე უცნობია, თუმცა ეს დღე ფართოდ აღინიშნება ლესბოსელებისა და მათი მხარდამჭერი ჯგუფების მიერ მთელი ქვეყნის მასშტაბით, ყოველი წლის 4 ოქტომბერს. ბრიზბეინში ამ დღესასწაულის აღნიშვნა შუადღისას დაიწყება, ქუინსლენდის ლესბოსური ორგანიზაციების ერთობლივი ძალისხმევით. ფესტივალი ლესბოსური გამოფენით დაიწყება, რომელზეც წარმოდგენილი იქნება ლესბოსელი მხატვრები, პროდუქცია, ჯგუფები, ღონისძიებები და ბევრი სხვა რამ. „ ეს განსაკუთრებული დღეა ლესბოსელებისა და მათი მეგობრებისთვის, ამიტომ ყველას ვეპატიჟებით მოვიდეს და ქალთა ამ შესანიშნავ ჯგუფთან ერთად აღნიშნოს ეს დღე!“ განუცხადა სააგენტო QNews-ს ლესბოსელთა საერთაშორისო დღის სპიკერმა მონიკ ფორესტმა. წყარო


ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
ქვიარ დების გარბენი - სოციალური და გარემოსდაცვითი სამართლიანობა
გრადაცია | ინსტალაცია ტრანს ხსოვნის დღისთვის
ერთი დღე "ჰომოფობიის ლაბირინთში"