1990 წლის 17 მაისს ჯანდაცვის მსოფლიო ორგანიზაციის გადაწყვეტილებით, ჰომოსექსუალობა ფსიქიკური დაავადებების სიიდან ამოიღეს. 2005 წლიდან მოყოლებული, 17 მაისი მსოფლიოს მრავალ ქვეყანაში აღინიშნება როგორც ჰომოფობიისა და ტრანსფობიის წინააღმდეგ ბრძოლის საერთაშორისო დღე. ბევრ ქვეყანაში ჰომოსექსუალური კავშირები დღესაც ისჯება კანონით. იმ ქვეყნებში კი, სადაც ჰომოსექსუალობა დეკრიმინალიზებული და დეპათოლოგიზებულია, ხშირია დისკრიმინაციის ფაქტები ლგბტ ჯგუფის წევრთა მიმართ.

აიდაჰოს–ადმი მიძღვნილ კამპანიებს, რომლებიც მსოფლიოს სხვადასხვა ქვეყანაში 17 მაისს იმართება, ერთი მიზანი აერთიანებს – დაგმონ ძალადობა და გამოხატონ სოლიდარობა ლგბტ ადამიანების მიმართ.

წელს ამ კამპანიას „ქალთა ინიციატივების მხარდამჭერი ჯგუფი“ და ლბტ ქალებიც უერთდებიან.