უგანდაში ანტი-ჰომოსექსუალობის კანონი ძალაში შედის
26 02 2014
გუშინ უგანდის პრეზიდენტმა ხელი მოაწერა ანტი-ჰომოსექსუალობის კანონპროექტს. ახალი კანონი ლგბტი ადამიანების კრიმინალიზაციას აფართოებს და უკვე აიძულებს მშობლებს, მასწავლებლებსა და ექიმებს ლგბტი ადამიანების შესახებ ინფორმაცია მიაწოდონ მმართველ პირებს. სისხლის სამართლის კოდექსის 1950 წლის ვერსიით, ერთი სქესის ზრდასრულ ადამიანებს შორის თანხმობის საფუძველზე სექსუალური კავშირი უკვე დასჯადი იყო სამუდამო პატიმრობით. ახალი კანონი სჯის ადამიანებს, რომლებიც ფლობენ სახლს ან ოთახებს „ჰომოსექსუალობის მიზნით“ (მაგ. გამქირავებლები ან ლგბტი ადამიანების მშობლები) მაქსიმუმ 7 წლამდე პატიმრობით. „ჰომოსექსუალობის პროპაგანდა“ ასევე დასჯადი ხდება 7 წლამდე პატიმრობით, რაც იმოქმედებს ადამიანის უფლებათა დამცველ ჰეტეროსექსუალ ადამიანებზეც. კანონპროექტის წინა ვერსია ასევე მოიცავდა აივ-ინფექციის მატარებელი ადამიანების სიკვდილით დასჯას, ასევე მათი, ვინც კანონს განმეორებით ‘არღვევდა’. ეს ‘დარღვევები’ ახლა სამუდამო პატიმრობით ისჯება. ლგბტ ინტერჯგუფის წევრმა ოლე შმიდტმა განაცხადა: „უგანდაში განვითარებული მოვლენები ძალიან საშიშია და ლესბოსელი, გეი, ბისექსუალი და ტრანსგენდერი ადამიანების სიცოცხლეს სერიოზული საფრთხის ქვეშ აყენებს. ლგბტ ადამიანებს უნდა შეეძლოთ ცხოვრება უმიზეზო პატიმრობისა და ძალადობის შიშის გარეშე.“ „ევროკავშირმა და მისმა წევრმა სახელმწიფოებმა ყველა ღონეს უნდა მიმართონ დეკრიმინალიზაციის მიზნით და უზრუნველყონ, რომ ლგბტ ადამიანებს აქვთ თავშესაფრის მოპოვების უფლება ევროკავშირში, როცა ისინი მათ ქვეყნებში მსგავს დისკრიმინაციას განიცდიან.“ წყარო


ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
ერთი დღე "ჰომოფობიის ლაბირინთში"
ტყის ვარდი | ტრანს აუდიო გასეირნება
"ვნებები და უფლებები"- ნამუშევრები გამოფენიდან