ეპიზოდი 05: ელენე და ანა საუბრობენ "მოახლეზე"
პოდკასტის მეხუთე ეპიზოდში განხილულია Netflix-ის სერიალი, "მოახლე" (MAID). ეპიზოდის სტუმარია, გენდერის მკვლევარი და ქალთა უფლებების აქტივისტი, ანა ლობჟანიძე. ეპიზოდში განხილულია შემდეგი საკითხები სერიალის კონტექსტში: * ფსიქოლოგიური და ეკონომიკური ძალადობა, როგორც ქალთა მიმართ ძალადობის ფარული ფორმები და ასეთი ძალადობისგან თავის დაღწევის ბარიერები; *ძალადობის მსხვერპლებისთვის საჭირო სახელმწიფო სერვისებისა და მხარდამჭერი ადამიანების მნიშვნელობა, ძალადობისგან თავის დაღწევის პროცესში და მათი ნაკლოვანებების შედეგები; *რატომ ბრუნდებიან ოჯახში ძალადობის მსხვერპლები ძალადობრივ გარემოში ხშირად? * რატომ არის რისკის შემცველი უთანასწორო მდგომარეობაში მყოფ ადამიანთან ურთიერთობაში შესვლა;
ეპიზოდი 03: ელენე და ნათია საუბრობენ "მისის ამერიკაზე".
პოდკასტის მესამე ეპიზოდის სტუმარია ფემინისტი და ლგბტ აქტივისტი ნათია გვიანიშვილი. მასთან საუბარში, განვიხილავთ ამერიკულ სერიალს "მისის ამერიკა" (Mrs. America) და შემდეგ საკითხებს: რას გულისხმობს თანასწორუფლებიანობის შესწორება (ERA), რომელიც სერიალში ასახული აქტივიზმის ეპიცენტრია; რატომ არ მოეწონათ რეალური ისტორიის მთავარ გმირებს სერიალის პერსპექტივა და რატომ თვლიან, რომ სერიალი არ ასახავს სწორად და სრულად მომხდარ მოვლენებს, ასევე, რა მოხდა სინადვილეში; როგორ წარმოაჩენს სერიალი რეპროდუქციული უფლებების აქტივიზმს, რას გულისხმობს Roe v. Wade გადაწყვეტილება და რატომ არის აშშ-ში აბორტის ლეგალურობის საკითხი მნიშვნელოვანი დანარჩენი მსოფლიოსთვის; როგორ ასახა სერიალმა ქალების განმათავისუფლებელი მოძრაობის სტრატეგიაში ქვიარ ქალების უფლებების ინტეგრირების მტკივნეული პროცესი; რატომ გახდა ფილის შლაფლი საინტერესო პერსონაჟი, როგორ შეძლო კონსერვატორი ქალების გაერთიანება და რა შიშები ამოძრავებდა მის მხარდამჭერებს ERA-ს წინააღმდეგ ბრძოლაში.


ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
სიძულვილს გადარჩენილი ადამიანები იქ, სადაც სიყვარული აკრძალულია
ერთი დღე "ჰომოფობიის ლაბირინთში"
ქვიარ დების გარბენი - სოციალური და გარემოსდაცვითი სამართლიანობა