გენერალურმა მდივანმა ბან კი მუნმა დღეს ჩილეს ყოფილი პრეზიდენტი მიშელ ბაჩელეტი გაეროს ახალი უწყების ხელმძღვანელად გამოაცხადა. უწყებას დაევალება თვალყური ადევნოს მსოფლიოს პროგრამებს, რომელთა მიზანიცაა ქალთა უფლებების პოპულარიზაცია და გლობალურ საკითხებში მათი სრული მონაწილეობის წინა პლანზე წამოწევა.

უწყება, რომელიც დიდ დაფინანსებას მიიღებს და იანვრიდან ამოქმედდება, აერთიანებს გაეროს ოთხ სააგენტოს: გაეროს განვითარების ფონდს ქალებისთვის (UNIFEM), ქალთა განვითარების განყოფილებას (DAW), გენდერის საკითხებში საგანგებო მრჩეველის და გაეროს საერთაშორისო კვლევისა და სწავლების ინსტიტუტს ქალთა განვითარებისთვის (UN-INSTRAW).

ქალბატონი ბაჩელეტი, ჩილეს პირველი ქალი პრეზიდენტი, რომელმაც თავისი საპრეზიდენტო ვადის განმავლობაში ქალთა საკითხები პრიორიტეტად აქცია ხოლო პოსტის დატოვების შემდეგ UNIFEM-ში მოღვაწეობდა, იანვრის მიწისძვრის შემდეგ, ჰაიტელი ქალების უფლებათა ადვოკატირების კუთხით,სამი კანდიდატიდან აირჩიეს.

ახალ სააგენტოს, 500 მილიონი დოლარის ოდენობის წლიური ბიუჯეტი ექნება, რაც მასში შემავალი ორგანიზაციების დაფინანსებას ორჯერ აღემატება.

დღევანდელი განცხადება მოჰყვა გენერალური ასამბლეის ერთსულოვან კენჭისყრას 2 ივლისს, სადაც გადაწყდა შექმნილიყო ახალი ორგანიზაცია, რომელიც გენდერულ თანასწორობაზე მიმართულ 4 სააგენტოს გააერთიანებდა. მისი ერთ-ერთი მთავარი მიზანი იქნება მხარი დაუჭიროს კომისია ქალთა სტატუსის შესახებ და სხვა სამთავრობოშორის უწყებებს.

წყარო:  http://www.un.org/apps/news/story.asp?NewsID=35912&Cr=WOMEN&Cr1&ref=nf