გაერო - საჭიროა მეტი ინვესტიცია მეცნიერებაში ქალებისა და გოგონების განათლებისთვის
22 02 2018

11 თებერვალს, მეცნიერებაში ქალთა და გოგონათა მოღვაწეობის აღსანიშნავ საერთაშორისო დღეს, გაერთიანებული ერების ორგანიზაციამ მსოფლიო მთავრობებს მოუწოდა მეტი ინვესტიცია გაიღონ მეცნიერებაში, ტექნოლოგიებში, ინჟინერიასა და მათემატიკაში (ე.წ. STEM საგნები) ქალების განათლებისთვის.

იუნესკოს თანახმად, მსოფლიო მასშტაბით, ქალები მკვლევარებისა და მეცნიერების სულ 30 %-ს შეადგენენ. მეტიც, უმაღლესი განათლების საფეხურზე, მხოლოდ დაახლოებით 3-დან ერთი ქალი სტუდენტი ირჩევს STEM საგნებს.

"ერთერთი იარაღი, რომლითაც მეცნიერებებში გენდერული უთანასწორობა შეიძლება დავარღვიოთ, არის გოგონებისა და ქალებისთვის ბარიერების მოხსნა სახლში, საკლასო ოთახებსა თუ სამუშაო ადგილებში. ეს მოთხოვს დამოკიდებულებათა ცვლილებას და სტერეოტიპების მუდმივ გამოწვევას," - ნათქვამია იუნესკოს დირექტორის - გენერალ ოდრი აზულაის და UN WOMEN-ის აღმასრულებელი დირექტორის ფუმზილე მლამბო-ნგკუკას ერთობლივ განცხადებაში.

"გოგონებისთვის რთულია საკუთარი თავის რწმენა ჰქონდეთ როგორც მეცნიერების, აღმომჩენების, ინოვატორების, ინჟინრების და გამომგონებლების, მაშინ როცა იმიჯი, რომელსაც ისინი სოციალურ მედიაში, სახელმძღვანელოებსა და რეკლამებში ხედავენ, გენდერულ როლებს ასე ვიწროდ და შეზღუდულად წარმოაჩენს" - აცხადებენ ისინი.

გაერთიანებული ერების ორგანიზაციის რეპორტში ვკითხულობთ, რომ ქალი სტუდენტების მიერ ბაკალავრის, მაგისტრის ან დოქტორის ხარისხის მიღების შესაძლებლობა მეცნიერებასთან დაკავშირებულ სფეროებში 18%, 8% და 2%-ია, მაშინ როცა კაც სტუდენტებში ეს მონაცემები 37%, 18% და 6%-ია.

გაეროს გენერალურმა მდივანმა, ანტონიო გუტერესმა, განაცხადა: "ჩვენ გვჭირდება ქალებისა და გოგონების წახალისება და მხარდაჭერა, რათა მათ სრულ პოტენციალს მიაღწიონ სამეცნიერო კვლევებსა და გამოგონებებში."

"ეს სჭირდება ქალებსა და გოგონებს, და ეს სჭირდება მსოფლიოს, თუკი გვინდა, რომ მივაღწიოთ ჩვენს ამბიციებს ჯანსაღ პლანეტაზე მდგრადი განვითარებისთვის" - ნათქვამია მის ოფიციალურ განცხადებაში.

საერთაშორისო დღე 2015 წლიდან არსებობს, როცა გაეროს გენერალურმა ასამბლეამ გადაწყვიტა აღენიშნა ქალების როლის მეცნიერებასა და ტექნოლოგიაში.



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
სიძულვილს გადარჩენილი ადამიანები იქ, სადაც სიყვარული აკრძალულია
ქვიარ დების გარბენი - სოციალური და გარემოსდაცვითი სამართლიანობა
ტყის ვარდი | ტრანს აუდიო გასეირნება