ფოტო: "ქალთა ფონდი" | იდა ბახტურიძე და ნატა ტალიკიშვილი
"სანამ ამ ქვეყანაში ერთ ქალს მაინც ესვრიან ქვას, ჩვენ ყველანი გადავეფარებით ერთმანეთს, დებო!"
03 12 2018

კატო მიქელაძის პრემიის 2018 წლის განსაკუთრებული ჯილდოს მფლობელი, ნატა ტალიკიშვილი, ფეისბუქის გვერდზე იხსენებს პრემიით დაჯილდოების საღამოს, როცა თავს დაესხნენ:

"კატო მიქელაძის პრემიის დაჯილდოების მერე ყოველი წუთი ისეთი ემოციურია ჩემს ცხოვრებაში, აქამდე ვერაფრის დაწერას მოვაბი თავი.

ახლაც ვერ ვწერ ბევრს...

დაჯილდოებიდან რომ ვბრუნდებოდი სახლში, შემეშინდა მიწისქვეშაში ჩასვლა, არავინ დამხვდეს მოცლილი და ეს დღესასწაული არ ჩამაშხამოს მეთქი. ზემოდან გადავედი ტრასაზე. წუთნახევარში მოასწრეს და "მადონა, ლუბა, ლეილა" ყველა სახელი დამიძახეს და ქვები დამიშინეს. მაგრამ მე ვიცი, რომ სანამ ამ ქვეყანაში ერთ ქალს მაინც ესვრიან ქვას, ჩვენ ყველანი გადავეფარებით ერთმანეთს, დებო!

ტრანსგენდერი ქალების უფლებები ქალთა უფლებებია.

მადლობა სულ სულ ყველას!

მადლობა იდას (იდა ბახტურიძე, კატო მიქელაძის 2018 წლის პრემიის გამარჯვებული) რომ ჩემი დასახელება ლამის თავისზე მეტადაც კი გაუხარდა. გილოცავ დაო, შენ ეს ჯილდო დაიმსახურე!"



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
"ღამე და დღე" | ტრანს პერფორმანსი
ქვიარ დების გარბენი - სოციალური და გარემოსდაცვითი სამართლიანობა
ერთი დღე "ჰომოფობიის ლაბირინთში"