: ხუთი ფილმი თავისუფლებისთვის 2022
ხუთი ფილმი თავისუფლებისთვის - ლგბტიქ+ ციფრული ფესტივალი 2022 (16-27 მარტი)
16 03 2022

მსოფლიოს ყველაზე ფართოდ გავრცელებული ლგბტიქ+ ციფრული ფესტივალი 2022 წლის პროგრამით ბრუნდება.

ბრიტანეთის საბჭო ლონდონის ლგბტიქ+ ფილმების ფესტივალთან - BFI Flare-თან - თანამშრომლობის ფარგლებში, ხუთ მოკლემეტრაჟიან ფილმს წარმოადგენს, რომელთა ონლაინ ნახვა 11 დღის განმავლობაში, 16-დან 27 მარტამდეა შესაძლებელი.

წელს წარმოდგენილია ფილმები ინდოეთიდან, ჩინეთიდან, პანამადან, ხორვატიიდან და გაერთიანებული სამეფოდან.

ფესტივალი 2015 წლიდან ტარდება და მისი პროგრამით წარმოდგენილი ფილმები 17 მილიონმა ადამიანმა ნახა, 200-ზე მეტ ქვეყანასა და სამთავროში, მათ შორის მსოფლიოს ბევრ ადგილას, სადაც ჰომოსექსუალობა კრიმინალიზებულია და ზოგიერთ შემთხვევაში სიკვდილით ისჯება.

გაყინული | დირექტორი ჰაო ჯოუ

ფილმში, რომელიც მთავარი გმირის დას ჩინეთის სოფელში წერილივით გადაეცა, რეჟისორი მედიტირებს იდენტობაზე, თვითგადასახლებაში, სახლსა და ოჯახთან კავშირზე.

ყველა ეს შეგრძნება ჩემს მუცელში | რეჟისორი მარკო ჯესკა

ხორვატი რეჟისორის მარკო ჯესკას ანიმაციური დოკუმენტური ფილმი წარმოგიდგენთ ტრანს გოგონას, მათიას და მოგვითხრობს ნამდვილ ამბავს მისი ტრანზიციის გამოცდილების შესახებ და ჰეტეროსექსუალ კაცთან ნამდვილი სიყვარულის პოვნის სირთულეზე.

კვირა | რეჟისორი არუნ ფულარა

ინდოელი რეჟისორის არუნ ფულარას "კვირა" შუახნის კამბლეს ყოველკვირეულ ვიზიტს აღწერს სამეზობლოში მდებარე საპარიკმახეროში - მაგრამ ის უბრალოდ გაპარსვას არ აპირებს. ის მოუთმენლად ელის ახალი დალაქის შეხებას, რომელზეც შეყვარებულია. ეს მთავარი სინათლეა მის სხვაგვარად მოსაწყენ არსებობაში დაქორწინებული კაცისა, რომელიც ორმაგ ცხოვრებას ეწევა საზოგადოებაში, რომელიც ჰომოსექსუალობას ეწინააღმდეგება.

იუბილარი ბიჭი | რეჟისორი ჯუდიტ კორო

პანამელი რეჟისორის ჯუდიტ კოროს ფილმში იუბილარი ბიჭი (Vuelta al Sol) სეზარის დაბადების დღეა და მშობლები მისგან ელიან ისეთი სამოსის ჩაცმას, რომელიც სეზარისთვის არაკომფორტულია. ახლა მან უნდა მიიღოს გადაწყვეტილება: გააგრძელოს ოჯახის მოლოდინების დაკმაყოფილება, თუ იყოს ერთგული მისი, როგორც ტრანსგენდერი კაცის, ვინაობის მიმართ.

სიყვარულისთვის | რეჟისორი ჯოი ღარარო-აკპოჯოტორი

ბრიტანელ-ნიგერიელი რეჟისორის ჯოი ღარორო-აკპოჯოტორის ფილმში "სიყვარულისთვის" არალეგალური ემიგრანტი, ნკეჩი, ბედნიერად ცხოვრობს თავისი პარტნიორის მართას ჩრდილში. მაგრამ, როდესაც იმიგრაციის ოფიცრები მოულოდნელად ჩნდებიან, წყვილს ერთობლივ მომავალთან დაკავშირებით რთული გადაწყვეტილებების მიღება უწევს.

უყურეთ და გაავრცელეთ სოციალურ მედიაშ ჰეშთეგით: #FiveFilmsForFreedom



ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
სიძულვილს გადარჩენილი ადამიანები იქ, სადაც სიყვარული აკრძალულია
ერთი დღე "ჰომოფობიის ლაბირინთში"
ქვიარ დების გარბენი - სოციალური და გარემოსდაცვითი სამართლიანობა