ზემოთხსენებული კლიპი ფირანშაჰრში მყოფი რეჟიმის აგენტების ხელში ჩავარდა, რომლებმაც დაუყოვნებლივ მოითხოვეს წყვილის სიკვდილით დასჯა ჩაქოლვით, რათა კიდევ უფრო დაეშინებინათ ირანელები. ინფორმაციის თანახმად, ახალგაზრდების სიკვდილით დასჯა 2011 წლის 21 იანვარს იგეგმება.
საერთაშორისო კომიტეტი ჩაქოლვის წინააღმდეგ მოგვიწოდებს დაუყოვნებლივ შევეწინააღმდეგოთ და პროტესტი გამოვუცხადოთ ისლამური რეჟიმის შუასაუკუნოვან და სასტიკ განაჩენს ამ ორი ახალგაზრდა მამაკაცისადმი.
ჩვენ განსაკუთრებით გვინდა ვთხოვოთ ფირანშაჰრის მოსახლეობას მეტი ინფორმაცია შეგვატყობინოს ამ საქმესთან დაკავშირებით და არ დაუშვას ამ არაადამიანური ქმედების განხორციელება. ჩვენ მოვუწოდებთ ფირანშარის ახალგაზრდებს აიუბსა და მოსლეჰს დაეხმარონ და არ დაუშვან ეს ტრაგედია საკუთარ ქალაქში. ჩვენ უნდა შევიკრიბოთ და ერთად გამოვაცხადოთ, რომ არ მივცემთ უფლებას ისლამურ რეჟიმს ირანის ახალგაზრდობა ამოხოცოს.
ჩვენ მოვუწოდებთ ადამიანებს მსოფლიოს ყველა კუთხეში გაავრცელონ ინფორმაცია აიუბისა და მოსლეჰის წინააღმდეგ მიმართული არაადამიანური და შუასაუკუნოვანი ქმედების შესახებ.
საქინე მოჰამადი აშთიანის სიკვდილით დასჯის წინააღმდეგ წარმართული საერთაშორისო კამპანიის შემდეგ, რომელმაც დაასუსტა ისლამური რეჟიმი და გააერთიანა მსოფლიო ამ მკვლელების წინააღმდეგ, რეჟიმს სურს გვაჩვენოს რომ იგი არ მოეშვება ჩაქოლვასა და სხვა გადაგვარებული არაადამიანური ტაქტიკის გამოყენებას.
ჩვენ უნდა დავდგეთ ფირანშაჰრში ჩაქოლვის წინააღმდეგ.
საერთაშორისო კომიტეტი ჩაქოლვის წინააღმდეგ
