ადვოკატირების ჯგუფ Gay Russia-ს აქტივისტებთან ერთად, ნიკოლაი ცდილობდა მოეწყო საჯარო აქციები, რუსეთში სექსუალურ უმცირესობათა დასაცავად.

ხუთი წლის მანძილზე, რუსეთის მთავრობა, კრძალავდა ყოველგვარ საჯარო ლგბტ აქციებს, რომლისთვისაც აქტივისტები ნებართვას ითხოვდნენ. მიუხედავად ამისა, დემონსტრაციები მაინც ტარდებოდა, რის შედეგადაც, ნიკოლაი ალექსეევი დააპატიმრეს, სცემეს და მოიტაცეს.

ქუჩაში პროტესტით უფლებების მოთხოვნის გარდა, რუს ლგბტ ადამიანებმა, დიდი წინააღმდეგობის მიუხედავად, ასევე წამოიწყეს ხანგრძლივი ბრძოლა რუსულ და საერთაშორისო სასამართლო უწყებებში.

ამ სტრატეგიამ შედეგი გამოიღო და გასულ წელს მათ უმნიშვნელოვანესი გამარჯვება მოიპოვეს ევროპის ადამიანის უფლებათა სასამართლოში.

მოსკოვის უაღრესად ჰომოფობიური მერის, იური ლუჟკოვის პოსტიდან გათავისუფლების შემდეგ, რუს ლგბტ ადამიანებს უნიკალური შესაძლებლობა ეძლევათ, მოიპოვონ მოსკოვში დემონსტრაციის უფლება დაპატიმრებისა და ძალადობის საშიშროების გარეშე. 2011 წლის 28 მაისს მოსკოვში მორიგი პრაიდი იგეგმება.

წყარო: http://wehonews.com/z/wehonews/archive/page.php?articleID=5658