ეთრიჯი ცნობიერების ამაღლებისთვის იბრძვის
11 05 2009

ცნობილ მუსიკოსს, ღია ჰომოსექსუალ მელისა ეთრიჯს და მის ოჯახს ნამდვილად აქვთ საზეიმო მიზეზი ამ წელს.

www.celebritybabyscoop.com–ის ინფორმაციით, ეთრიჯმა, რომელსაც 2004 წელს მკერდის სიმსივნის დიაგნოზი დაუსვეს, ახლახანს კრიტიკული ხუთწლიანი პერიოდი წარმატებით დაასრულა ყოველგვარი რეციდივის გარეშე.

“გრემის” ჯილდოს მფლობელ მუსიკოსს, მას შემდეგ, რაც 2003 წელს თემი ლინ მაიკლზე დაქორწინდა, მალევე აღმოუჩინეს დაავადება და ქიმიოთერაპიის კურსი დაუნიშნეს. წყვილი ოთხ შვილს ზრდის.

რა თქმა უნდა, ზოგადად სიმსივნესთან დაკავშირებით შეუძლებელია რაიმე ზუსტი პროგნოზების გაკეთება, სწორედ ამიტომაც განსაკუთრებით მნიშვნელოვანია მის შესახებ საზოგადოებრივი ცნობიერების ამაღლების თაობაზე კამპანიის წარმოება და ამისთვის სპეციალური თვის მიძღვნა.

მელისა ეთრიჯი სხვა მუსიკოსებთან (ჯოს სთოუნი, ბონი ტაილერი, ჯგუფი “ბენგლსი” (The Bangles) ერთად აღნიშნულ ღონისძიებაში აქტიურ მონაწილეობას ღებულობს. ისინი პრობლემის ირგვლივ ხმის ამაღლებისა და კვლევებისთვის თანხის მოსაზიდად “მკერდის სიმსივნის შესახებ ცნობიერების ამაღლების კამპანიისა” და “პინკტობერის” (Pinktober) (www.hardrock.com) ინიციატივის ფარგლებში წვეულებებსა და ცოცხალი მუსიკის საღამოებს აწყობენ მთელი მსოფლიოს მასშტაბით სხვადასხვა კაფეებსა და სასტუმროებში.



ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
ქვიარ დების გარბენი - სოციალური და გარემოსდაცვითი სამართლიანობა
გრადაცია | ინსტალაცია ტრანს ხსოვნის დღისთვის
ერთი დღე "ჰომოფობიის ლაბირინთში"