მოლდავეთის ადამიანის უფლებათა აქტივისტებმა სინანული გამოხატეს მთავრობის გადაწყვეტილებასთან დაკავშირებით, პარლამენტიდან გამოეტანა კანონპროექტი, რომელსაც უნდა უზრუნველეყო სხვადასხვა, მათ შორის სექსუალური ორიენტაციის საფუძველზე, წარმოშობილი დისკრიმინაციის აკრძალვა.

კოალიციურმა მთავრობამ კანონპროექტი პარლამენტს თებერვალში წარუდგინა. მისი მიღება ერთ-ერთ მოთხოვნას წარმოადგენს მოლდავეთსა და ევროკავშირს შორის დადებული ხელშეკრულების ფარგლებში, რომლის მეშვეობითაც მოლდავეთის მოქალაქეებს 27 ქვეყნისაგან შემდგარ ბლოკში უვიზოდ შეეძლებათ მგზავრობა.

ბრიუსელის მიერ მოლდავეთისთვის დეკემბერში დადგენილი სამოქმედო გეგმის მიხედვით, ანტიდისკრიმინაციული კანონი 2011 წელს უნდა მიეღოთ.

თუმცა კანონპროექტმა, მასში მოხსენიებული ”სექსუალური ორიენტაციის” გამო, რელიგიური ჯგუფებისა და ოპოზიციური კომუნისტური პარტიის კრიტიკის ქარცეცხლში გაიარა და საბოლოოდ მის წინააღმდეგ მმართველი კოალიციის წევრებიც კი გამოვიდნენ.

30 მარტს იუსტიციის მინისტრმა, ალექსანდრუ ტანასემ განაცხადა, რომ კანონპროექტმა პარლამენტში არასაკმარისი მხარდაჭერა მოიპოვა და მთავრობა მის შესწორებას შეეცდება, რათა საზოგადოებისა და კანონმდებლებისთვის უფრო მისაღები გახადოს. მინისტრს არ უთქვამს, თუ როგორ შეიცვლება კანონპროექტი და როდის მოხდება მისი პარლამენტში ხელახალი წარდგენა.

ანტიდისკრიმინაციული კოალიციის თანამშრომლის, მარჩინსკის განცხადებით კანონპროექტის ირგვლივ აგორებულმა პოლემიკამ ჰომოსექსუალთა მიმართ ძალადობის ესკალაცია მოახდინა.

წყარო:http://www.rferl.org/content/moldovan_activists_deplore_setback_gay_rights_bill/3542688.html