დახურული ისლამური სამოსის ტარების აკრძალვა ძალაში შედის
11 04 2011

ორშაბათიდან, ქალები, რომლებიც მთლიანი ისლამური სამოსით გამოჩნდებიან საფრანგეთის ქუჩებში, 150 ევროთი დაჯარიმდებიან. მათ, ასევე, „გადამზადების“ გაკვეთილებზე დასწრება შეიძლება მოუწიოთ. ზემოხსენებულმა კანონმა უკვე გამოიწვია არეულობა, მას შემდეგ, რაც შაბათს, პარიზში მის წინააღმდეგ გამოსული 61 დემონსტრანტი დააკავეს.

კრიტიკოსების აზრით, ზემოხსენებული კანონი მუსლიმების სტიგმატიზებას ახდენს, მაშინ, როცა მისი დამცველები ამტკიცებენ, რომ ჩადრი ეწინააღმდეგება გენდერული თანასწორობისა და სეკულარიზმის პრინციპებს.

კანონის მოწინააღმდეგეები თვლიან, რომ იგი რასიზმით არის მოტივირებული და ასევე წარმოადგენს საფრანგეთის პრეზიდენტ ნიკოლა სარკოზის მცდელობას, ისევ გადმოიბიროს უკიდურესი მემარჯვენე ეროვნული ფრონტის მხარეს გადასული ამომრჩეველი. მათი განცხადებით ნიქაბის მატარებელი მოსახლეობა მეტისმეტად მცირეა მსგავსი კანონის მიღებისათვის. საფრანგეთს ევროპაში ყველაზე დიდი მუსლიმური მოსახლეობა ჰყავს, რომელიც 5 მილიონს უტოლდება, თუმცა გამოთვლების თანახმად, მხოლოდ 5,000 ქალი ატარებს სრულ ნიქაბს.

ახალი კანონის თანახმად, ნებისმიერი ადამიანი (ქალი და მამაკაცი), რომელიც საზოგადოებრივი თავშეყრის ადგილებში სახის დაფარვას გააგრძელებს, 150 ევროს ოდენობის თანხით დაჯარიმდება, თუმცა პოლიციის ოფიცრებს არ ექნებათ უფლება ადგილზევე დააძალონ ქალს ჩადრის მოხსნა.

კანონდამრღვევები შეიძლება პოლიციის განყოფილებაშიც წაიყვანონ ვინაობის გადასამოწმებლად. გარდა ჯარიმისა, მათ, ასევე, შეიძლება დაეკისროთ „გადამზადების“ გაკვეთილებზე დასწრება.

თუმცა კანონი უფრო მკაცრ ზომებს იღებს იმ ადამიანების მიმართ, რომლებიც სხვებს აიძულებენ სახის დაფარვას და ამით ძალაუფლებას აჭარბებენ. მათ 30,000 ევრომდე ჯარიმა და 1 წლამდე თავისუფლების აღკვეთა შეუფარდდებათ.

ნიქაბის ტარება არის აკრძალული საზოგადოებრივი თავშეყრის ადგილებში, თუმცა დაშვებულია სახლში, სასტუმრო ოთახებში, პირად სატრანსპორტო საშუალებებსა და სალოცავებში.

ფრანგული პოლიცია შიშობს, რომ კანონის დაცვა გართულდება და იმიგრანტებით დასახლებულ უბნებში შეიძლება დაძაბულობა გამოიწვიოს.

წყარო:http://www.france24.com/en/20110411-france-ban-full-islamic-veil-sarkozy-ump-muslim-law-police-secularism-burqa



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
სიძულვილს გადარჩენილი ადამიანები იქ, სადაც სიყვარული აკრძალულია
გრადაცია | ინსტალაცია ტრანს ხსოვნის დღისთვის
ქვიარ დების გარბენი - სოციალური და გარემოსდაცვითი სამართლიანობა