პირველი ლგბტ აქცია ძალადობის წინააღმდეგ
27 03 2009

2009 წლის 22 თებერვალს ორასამდე ადამიანმა მოიყარა თავი ლიბანის დედაქალაქ ბეირუთში, “სოდეკოს მოედანზე” ჰომოსექსუალთა მიმართ დისკრიმინაციის წინააღმდეგ პროტესტის გაამოსახატად,- იტყობინება სააგენტო როიტერი.

“აქცია ძალადობის წინააღმდეგ” ზოგადად უმცირესობების და, მათ შორის, ლგბტ ადამიანთა მიმართ დისკრიმინაციას აპროტესტებდა. ღონისძიების ორგანიზატორი გახლდათ ადგილობრივი ლგბტიქ (LGBTIQ) ორგანიზაცია “ჰელემი”. აქციაში მონაწილეობას იღებდნენ ადამიანის უფლებათა და კერძოდ, ლგბტ უფლებათა დამცველი სხვა ორგანიზაციები და ჯგუფები. მათ შორის, “მიიმი” (ლესბოსელ, ბისექსუალ, “ქუიარ” ქალთა და ტრანსგენდერ ადამიანთა ლიბანური ჯგუფი), “ფემინისტური კოლექტივი”, “კაფა” (ქალთა ორგანიზაცია), “სიდკი”, “მასსარი”, “ალეფი”, “ტაიმატ”,HRW -ისა (Human Rights Watch – ლიბანში) და “სოციალური მოძრაობა”. პროტესტანტებს სხვა მოქალაქეებიც შეურთდნენ, რომლებიც ნებისმიერი ტიპის ძალადობას გმობენ.

“სექსუალური ორიენტაცია კი არ არის ავადმყოფობა, არამედ - ძალადობაა” – ტრანსპარანტიდან (არაბულ ენაზე).

დემონსტრაცია პირდაპირი პასუხი გახლდათ აშრაფიში, აქციამდე დაახლოებით ერთი თვით ადრე მომხდარ ძალადობის ფაქტზე, როდესაც “სასინის მოედანზე” რამდენიმე თავდამსხმელმა ორი მამაკაცი უმოწყალოდ სცემა, მას შემდეგ, რაც მათ ერთ-ერთ მშენებარე შენობაში ინტიმურ გარემოში “წაასწრეს”, იუწყება - www.nowlebanon.com. მოძალადეთა ვინაობის შესახებ ურთიერთგამომრიცხავი ინფორმაციები გავრცელდა; ფრანგულენოვანი გაზეთ L’Orient Le Jour - ის მიხედვით, ისინი დაცვის სამსახურის თანამშრომლები იყვნენ, მაშინ, როცა “ჰელემი” და სხვა წყაროები – სამოქალაქო პირებზე მიუთითებენ.

დემონსტრაციაზე უამრავ ტრანსპარანტს შორის ნახავდით ლიბანის სისხლის სამართლის კოდექსის 534-ე მუხლის გაუქმების მოთხოვნასაც, რომელიც ერთწლიან თავისუფლების აღკვეთას ითვალისწინებს “არაბუნებრივი” სექსუალური კავშირისათვის. აქციაზე მრავლად იყო ლოზუნგები: “ადამიანის სექსუალობა – მრავალფეროვანია”, “ფემინისტები ძალადობის წინააღმდეგ”, “შეწყვიტეთ ომი – ქალების სხეულებზე” და ა. შ.

აქცია იმითაც გახლდათ მნიშვნელოვანი, რომ იგი არაბულ სამყაროსა და ლიბანში ამ ტიპის ერთ-ერთი პირველი საპროტესტო დემონსტრაციაა.



ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
"ღამე და დღე" | ტრანს პერფორმანსი
"ვნებები და უფლებები"- ნამუშევრები გამოფენიდან
გრადაცია | ინსტალაცია ტრანს ხსოვნის დღისთვის