ჰომოსექსუალობის საწინააღმდეგო კანონპროექტი, მთავრობას პირველად 2009 წელს წარუდგინეს და შეიძლება იგი მოგვიანებით ხელახლა შეიტანონ პარლამენტში.
უგანდა ღრმად კონსერვატიული საზოგადოებაა და ბევრი ადამიანი ჰომოსექსუალობას ანტი აფრიკულ და ანტი ქრისტიანულ მოვლენად მიიჩნევს.
უგანდაში ჰომოსექსუალური ქცევა უკვე კრიმინალიზებულია, თუმცა ზემოხსენებულმა კანონპროექტმა შეიძლება დაამძიმოს სასჯელი და თავისუფლების აღკვეთის ვადა განუსაზღვრელად გაზარდოს.
ის ადამიანები, რომელთაც ”დამამძიმებელი ჰომოსექსუალობის” ბრალი წაეყენებათ, სასიკვდილო განაჩენის წინაშე დადგებიან. ”დამამძიმებელი ჰომოსექსუალობა” განისაზღვრება ჰომოსექსუალურ აქტად, რომლის ერთ-ერთი მონაწილეც არასრულწლოვანი, აივ/შიდსით ინფიცირებული, შეზღუდული შესაძლებლობების პირი ან რეციდივისტია.
კანონპროექტის თანახმად, ადამიანი, რომელიც არ დაასმენს ნაცნობ ჰომოსექსუალ პირს პოლიციაში, პასუხს აგებს კანონის წინაშე.
2011 წლის იანვარში მოკლეს დავიდ კატო, აქტივისტი, რომელიც უძღვებოდა კანონპროექტის საწინააღმდეგო კამპანიას. ეს მას შემდეგ მოხდა, რაც ერთ-ერთმა გაზეთმა მისი ორიენტაცია საჯაროდ გაამხილა. პოლიციამ უარყო ის ფაქტი, რომ მკვლელობა სიძულვილით იყო მოტივირებული. მკვლელობამდე რამდენიმე თვით ადრე უგანდურმა გაზეთმა Rolling Stone გამოაქვეყნა რამდენიმე გეი ადამიანის სურათი, რომელსაც სათაურად წაუმძღვარა ფრაზა – ”ჩამოახრჩვეთ ისინი”.
