ულტრა ნაციონალისტური, მემარჯვენე ახალგაზრდული არასამთავრობო ორგანიზაცია, “Mek Azg” (”ერთი ერი”) ამზადებს და ავრცელებს ზემოხსენებულ პოსტერებს, რომლებიც მოუწოდებს ”სომეხ ერს, უარი თქვას ჰომოსექსუალობასა და ეროტიკულ ვებ გვერდებზე”. პლაკატები უკვე უხვად მოიპოვება ერევანისა და სხვა დიდი ქალაქების ქუჩებში.

ორგანიზაცია ასევე ავრცელებს ქსენოფობიურ აზრებს, აფრთხილებს რა სომხებს ”შავი აფრიკელების” შესახებ და აცხადებს, რომ ისინი ”სომეხი მოქალაქეებისათვის დიდ საფრთხეს წარმოადგენენ”, თუმცაღა, ჯგუფის მთავარი სამიზნე ლგბტქ ადამიანები არიან.

ზემოხსენებულმა არასამთავრობო ორგანიზაციამ უკვე დაიწყო ქსელის შექმნა სხვადასხვა მხარდამჭერებთან ერთად, რომლებსაც ე.წ. ”ეროვნული” და ”პატრიოტული” არასამთავრობო ორგანიზაციები და პირები წარმოადგენენ. ეს ადამიანები, ჰომოფობიური პლაკატებისა და ბროშურების გავრცელების გარდა, სოციალურ ქსელს იყენებენ ლგბტქ პირების მოსაძებნად, რის შემდეგ, მათ სიტყვიერ შეურაცხყოფას აყენებენ და ფიზიკური თავდასხმით ემუქრებიან.

როგორც ევროსაბჭოს წევრი ქვეყანა, სომხეთი ვალდებულია დაიცვას რეზოლუცია, რომელიც სექსუალური ორიენტაციისა და გენდერული იდენტობის საფუძველზე დისკრიმინაციას ებრძვის და გადადგას გადამწყვეტი ნაბიჯები ჰომო და ტრანსფობიასთან ბრძოლისათვის, ისევე, როგორც სიძულვილის ენისა და დანაშაულის აღმოსაფხვრელად.

„IGLYO“ მხარდაჭერას აღუთქვამს ლგბტქ და ადამიანის უფლებათა აქტივისტებს სომხეთში და მოუწოდებს საერთაშორისო ორგანიზაციებსა და ადამიანის უფლებათა დამცველებს სასწრაფოდ მიიღონ ზომები სომხეთში ლგბტქ ადამიანების უფლებებთან დაკავშირებით.

წყარო:http://www.iglyo.com/index.php?option=com_content&task=view&id=227&Itemid=34