პრემიერა
17 09 2009

როგორც www.thedailynewsonline.com იუწყება, კვირას, 13 სექტემბერს ტორონტოს საერთაშორისო ფილმების ფესტივალზე ცნობილი კანადელი კინორეჟისორის, ატომ იგოიანის ახალი ფილმის - “ქლოის” (Chloe) მსოფლიო პრემიერა გაიმართა.

ნამუშევარი, რომელიც ფრანგული დრამის - “ნატალის” (Nathalie) შთაგონების საფუძველზე შეიქმნა, პროსტიტუტი ქლოის (ამანდა ზიფრიდი) ამბავს მოგვითხრობს. იგი ჯულიანა მურის პერსონაჟმა ექიმმა მეუღლის, უნივერსიტეტის მუსიკის პროფესორის საცდუნებლად დაიქირავა, რათა ქმრის (ლაიამ ნისონი) მისადმი ერთგულება გამოეცადა. როგორც TIFF-ის (Toronto International Film Festival) ვებ-გვერდზე განთავსებული ფილმის რეცენზიებიდან ირკვევა, ორი ქალი მამაკაცზე გაცილებით მეტს უზიარებს ერთმანეთს.

www.vanityfair.com წერს: “ტორონტოს მაყურებლები თავიანთ იდაყვებს ჩაებღაუჭნენ როცა სასტუმროს დახშულ ოთახში ზიფრიდისა და ჯულიანა მურის საფიკური თამაშის სცენას უყურებდნენ.”

ამანდა ზიფრიდი კინოფესტივალზე კიდევ ერთი საკმაოდ ემოციური როლითაც გახლდათ წარმოდგენილი, რომელიც მან მეგან ფოქსთან ერთად ფილმში - “ჯენიფერის სხეული” (Jennifer’s Body) შეასრულა.

ლესბოსური თემა ნამდვილად არ არის უცხო ჯულიანა მურისთვისაც, ყოველშემთხვევაში, ეკრანზე. გარდა “საათებში” (The Hours) განსახიერებული შევიწროებული ჰომოსექსუალი დიასახლისის როლისა, იგი ანეტ ბენინგის უწევს პარტნიორობას ფილმში - “ბავშვები კარგად არიან” (The Kids Are Alright), რომლის პრემიერაც მალე იგეგმება. ასევე, ლესბოსელ რომანისტ მწერალს თამაშობს მური ფილმში “პიპა ლიის პირად ცხოვრებაში” (The Private Lives of Pippa Lee).



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
"ღამე და დღე" | ტრანს პერფორმანსი
ტყის ვარდი | ტრანს აუდიო გასეირნება
ერთი დღე "ჰომოფობიის ლაბირინთში"