ამერიკის უდიდესი ლგბტ უფლებების დამცველი ორგანიზაცია, “The Human Rights Campaign”, ესალმება 112-ე კონგრესზე ინკლუზიური საოჯახო და სამედიცინო შვებულების აქტის ხელახალ წარდგენას. კანონპროექტი, რომელიც სენატორ რიჩარდ დურბინის მიერ იყო ინიცირებული, შეავსებს 1993 წელს მიღებული საოჯახო და სამედიცინო შვებულების კანონს და მასში ჩართავს ერთსქესიან დაქორწინებულ და სამოქალაქო გაერთიანებაში მყოფ ერთსქესიან წყვილებს.

მას შემდეგ, რაც ზემოხსენებული კანონი მიიღეს 1993 წელს, 50,000-ზე მეტ ამერიკელს მიეცა საშუალება სამუშაო ადგილის დაკარგვის პერსპექტივის გარეშე აეღო 12 კვირამდე უხელფასო შვებულება, ჩვილებისა და ავადმყოფი ოჯახის წევრების მოსავლელად და საკუთარი ჯანმრთელობის პრობლემების მოსაგვარებლად. სამწუხაროდ ამჟამინდელი კანონით ვერ სარგებლობს მილიონობით ლგბტ ამერიკელი, რომელიც გრძელვადიან, სტაბილურ პარტნიორობაში იმყოფება. ისინი ვერ ახერხებენ გამოიყენონ კანონით გათვალისწინებული პრივილეგიები საკუთარი პარტნიორის ან მეუღლის მოსავლელად. აღსანიშნავია, რომ ასობით კომპანიამ, რამდენიმე შტატმა და კოლუმბიის ოლქმა გადაწყვიტა მსგავსი პრივილეგიები ერთსქესიან წყვილებზეც განევრცო და ამით აღიარა, რომ ინკლუზიური სამუშაო ძალა, კონკურენტუნარიანი სამუშაო ძალაა.

წყარო: