ირანული წარმოშობის ამერიკელმა მწერალმა და რეჟისორმა მარიამ ქეშავარზმა შექმნა მშვენიერი სპარსულენოვანი ფილმი, რომელიც იმდენადვე ირანულია, რამდენადაც ამერიკული.

”გარემოება” იმდენად კარგად ავლებს პარალელს ირანულ და ამერიკულ ახალგაზრდულ კულტურებს შორის, რომ როდესაც ფილმში იატაკქვეშა კლუბებსა და წვეულებებს ვხედავთ, ვგრძნობთ, რომ შეუძლებელია ეს ყველაფერი დღევანდელ თეირანში ხდებოდეს. თუმცა, გარკვეული შეზღუდვების გამო ასეცაა - ”გარემოება” ლიბანში იქნა გადაღებული და აქაც გადაღების პროცესი საიდუმლოებით იყო მოცული. წინააღმდეგ შემთხვევაში, ფილმი, სადაც ათეფესა (ნიკოლ ბუშერი) და შირინს (სარა ქაზემი) შორის აღმოცენებული ერთსქესიანი სიყვარულის ასახვა ხდება, უბრალოდ ვერ გადარჩებოდა.

ფილმი ნამდვილად დასავლური მაყურებლისთვისაა შექმნილი, თუმცა რეჟისორის გამოწვევა სწორედ დასავლელი მაყურებლისადმი იმაში მდგომარეობს, რომ იგი კითხვის ნიშნის ქვეშ აყენებს ჩვენს საერთო თანხმობას მივიღოთ ახლო აღმოსავლეთი და ისლამური კულტურა, როგორც სრულიად მჩაგვრელი და ტირანული. რეჟისორი გვიჩვენებს, რომ ირანს ბევრი სახე აქვს და როგორ შეიძლება ათაფესა და შირინის მსგავსი ურთიერთობა იქაც გადარჩეს.

წყარო: http://thirdcoastdigest.com/2011/08/lgbt-film-fest-sneak-peek-circumstance/