პირველ სექტემბერს, სინდი ლოპერი უსახლკარო ლესბოსელი, გეი, ბისექსუალი და ტრანსგენდერი ახალგაზრდებისთვის მანჰეტენში თავშესაფარს ხსნის. „The True Colors Residence“, რომელმაც სახელი ლოპერის 1986 წელს გამოშვებული ჰიტის - „True Colors” მიხედვით მიიღო, ჰარლემში, ფრედრიკ დუგლასის ბულვარის მახლობლად იქნება განლაგებული. ეს სახლი მსგავსი ტიპის პირველი საცხოვრებელი დაწესებულება იქნება ქალაქში. იდეა მომღერალმა, მისმა მენეჯერმა და არასამთავრობო ორგანიზაცია „West End Intergenerational Residence“-მა განახორციელეს. „West End Intergenerational Residence“-ი დაკავებულია უსახლკარო ოჯახებისა და მოხუცებისთვის საცხოვრებელი ადგილების უზრუნველყოფით.

ლოპერმა, რომელიც ლგბტ უფლებების დიდი ხნის დამცველია, ამ პროექტის განხორციელების გადაწყვეტილება იმიტომ მიიღო, რომ ქალაქის უსახლკარო ახალგაზრდების 40% საკუთარ თავს სწორედ ლგბტ თემს აკუთვნებს.

წერილში, რომელიც ლოპერმა პოტენციურ დონორებს გაუგზავნა, მომღერალი აცხადებს, რომ ის ფაქტი, რომ ლგბტ ახალგაზრდები დისკრიმინაციასა და ფიზიკურ ძალადობას აწყდებიან იქ, სადაც დახმარების სათხოვნელად მიდიან, შოკისმომგვრელი და გაუმართლებელია.

„The True Colors Residence“-ი განლაგებულია ახალ შენობაში, რომელიც ენერგოეფექტურია და შედგება სტუდენტური ტიპის 30 ბინისაგან 18-24 წლის ახალგაზრდებისთვის. შენობას აქვს ეზო და მაცხოვრებელთა შეკრებისთვის განკუთვნილი შიდა სივრცე. მაცხოვრებლები ქირას მათი შემოსავლის მიხედვით გადაიხდიან და მიიღებენ დახმარებას დასაქმების კუთხით.

წყარო:http://www.rollingstone.com/music/news/cyndi-lauper-opens-shelter-for-homeless-lgbt-youth-20110825