2011 წლის 26 აგვისტოს, ლაგოსში (ნიგერია), აფრიკის ლესბოსურმა კოალიციამ (CAL) ლგბტ ადამიანის უფლებათა დამცველების პროექტი გახსნა. ნიგერიის ლგბტ ადამიანის უფლებათა ორგანიზაციის „The Initiative for Equal Rights“-ის მხარდაჭერით გამართულ ადამიანის უფლებათა დაცვის ვორკშოპში მონაწილე პირები გახსნას ლაგოსის ლგბტ თემის წარმომადგენლებთან ერთად დაესწრნენ. CAL-ის ზემოხსენებული პროექტის კოორდინატორის, ვიქტორ მუკასას განცხადებით, მსგავსი პროექტის განხორციელების აუცილებლობა გამოიწვია იმ ძალადობამ, რომელსაც ლგბტ ადამიანის უფლებათა დამცველები აწყდებიან, განსაკუთრებით იმ ქვეყნებში, რომლებიც ერთსქესიან ურთიერთობებსა და გეი უფლებების ადვოკატირებას კრძალავენ. შვედეთის საერთაშორისო განვითარების სააგენტოს, SIDA-ს დაფინანსებით, აფრიკელ ლესბოსელთა კოალიცია უკვე უზრუნველყოფს უსაფრთხო საცხოვრებელს ლგბტ ადამიანის უფლებათა დამცველებისთვის იოჰანესბურგში (სამხრეთ აფრიკა). ლგბტ ადამიანის უფლებათა დამცველების პროექტი ამჟამად უკვე ხორციელდება დასავლეთ აფრიკაში, და მალე გავრცელდება აღმოსავლეთ და სამხრეთ აფრიკის რეგიონებშიც. წყარო:http://www.mask.org.za/african-lesbians-launch-west-african-lgbt-human-rights-defenders-project/