2001 წლიდან დანიის მთავრობას ლიბერალებისა და კონსერვატორებისაგან შემდგარი ცენტრალური მემარჯვენე ბლოკი მართავდა, რომელსაც ამჟამად სამთავრობო ოფისის დაცლა მოუწევს ოპოზიციისა და მისი ლიდერის, სოციალ-დემოკრატიული პარტიის წევრის, ჰელე თორნინგ-შმიტის სასარგებლოდ.
საარჩევნო კამპანიის მსვლელობისას, თორნინგ-შმიტმა განაცხადა, რომ დანიას ეკონომიკის გამოცოცხლება სურს ინფრასტრუქტურასა და განათლების სექტორში ინვესტირებით.
ახალი პრემიერ-მინისტრის ორი წინამორბედი - ანკერ იურგენსენი და პოულ ნირუპ რასმუსენი მიესალმნენ სოციალ-დემოკრატების დაბრუნებას მთავრობაში თორნინგ-შმიტის ხელმძღვანელობით., ხოლო სოციალ-ლიბერალების მეთაურმა, მარგარეტე ვესტაგერმა განაცხადა, რომ არჩევნების შედეგები პარტიებს შორის თანამშრომლობის კარგ შესაძლებლობას იძლევა.
დანიური სახალხო პარტიის ლიდერმა, პია შერშგაარდმა მხარდამჭერებს განუცხადა, რომ მისი პარტია თავს აუცილებლად ძლიერ ოპოზიციურ ძალად წარმოაჩენს. სახალხო პარტიამ, რომელიც ყოფილი მთავრობის გარე მხარდამჭერი იყო, დიდი გავლენა მოახდინა ბოლო 10 წლის განმავლობაში ქვეყანაში მოქმედ მკაცრ იმიგრაციულ პოლიტიკაზე.
