ჰაფსათ აბიოლა გახლავთ ნიგერიელი ადამიანის უფლებათა დამცველი და ქალთა საერთაშორისო მუზეუმის გლობალური საბჭოს წევრი. გარდა ამისა, იგი ასრულებს „მილენიუმის განვითარების მიზნების“ ნიგერიის ოგუნის შტატის მმართველის საგანგებო მრჩეველის მოვალეობას და ასევე გახლავთ კუდირატის დემოკრატიული ინიციატივის დამაარსებელი. ეს უკანასკნელი ორგანიზაცია იღწვის ნიგერიაში დემოკრატიისა და სამოქალაქო საზოგადოების გაძლიერებისთვის. აბიოლას საქმიანობის შთაგონების წყაროს მისი მშობლების ისტორიაც წარმოადგენს, რომლებიც პოლიტიკური აქტივისტები იყვნენ. ჰაფსათ აბიოლას მამა მ.კ.ო აბიოლა ნიგერიის პრეზიდენტად აირჩიეს 1993 წელს, მაგრამ მას საპრეზიდენტო ვადის შესრულება პატიმრობაში მოუწია და იგი ციხეში გარდაიცვალა, ხოლო დედამისი, კუდირატი, ლაგოსის ქუჩაში მოკლეს 1996 წელს.
ჰაფსათის მიერ გამოფენისთვის შერჩეული მასალა შეიცავს ფოტო სერიას, სახელწოდებით ” Working for Just Salt”, ესეს “Alexander Detained,” რომელიც ეროვნულ უსაფრთხოებაში მუშაობის პირად მსხვერპლზე მოგვითხრობს და ” Thirst World Countries,” რომელიც ეხება იმ შედეგებს, რომლებიც ქალებისთვის წყლის დეფიციტს მოაქვს. ჰაფსათ აბიოლა გამოფენაზე წარადგენს კიდევ სხვა მნიშვნელოვან მასალას ქალთა საერთაშორისო მუზეუმის არქივიდან.
