2011 წლის ბელგრადის პრაიდის მსვლელობა, რომელიც 2 ოქტომბერს უნდა გამართულიყო, სერბეთის ეროვნული უსაფრთხოების საბჭომ გააუქმა.

პრაიდის ორგანიზატორები დაჟინებით მოითხოვდნენ, მსვლელობის ჩატარებას მიუხედავად მემარჯვენე ჯგუფების მუქარებისა, რომლებიც პრაიდის პარალელურად აპირებდნენ საპროტესტო დემონსტრაციების გამართვას. ბელგრადის პრაიდმა დიდი საერთაშორისო მხარდაჭერა მოიპოვა, მაგრამ, ამავე დროს, ორგანიზატორებზე დიდი შიდა ზეწოლა ხორციელდებოდა, რათა საფრთხის მაღალი რისკის გამო მსვლელობის გაუქმება მომხდარიყო. შინაგან საქმეთა მინისტრმა, ივიცა დაჩიჩმა განაცხადა, რომ დაგეგმილ პრაიდს პოლიცია აკრძალავდა, თუკი ამას ორგანიზატორები არ გააკეთებდნენ

ILGA-Europe წუხს სერბეთის მთავრობის ასეთი გადაწყვეტილების გამო და მას აუცილებლად გააცნობს ევროპული უწყებების რელევანტურ წარმომადგენლებს შემდგომი რეაგირებისთვის.

დასავლეთ ბალკანეთზე ადვოკატირებაზე პასუხისმგებელი პროგრამებისა და პოლიტიკის უფროსი ოფიცერი, ლილიტ პოგოსიანის განცხადებით, სერბეთის მთავრობა ვალდებულია დაიცვას ლგბტ თემის თავისუფალი თავშეყრისა და პოლიტიკური განცხადების უფლება. მისი თქმით, პრაიდის გაუქმება უსაფრთხოების საკითხების მომიზეზებით სერბეთის მთავრობის აშკარა წარუმატებლობაა და იმის ნიშანია, რომ სერბეთს ჯერ კიდევ დიდი გზა აქვს გასავლელი ისეთ ქვეყნამდე, რომელიც შეძლებს არა მხოლოდ საკუთარი ეროვნული იდენტობით, არამედ ადაიმიანის უფლებათა ისტორიითაც იამაყოს.

წყარო:http://www.ilga-europe.org/home/news/for_media/media_releases/ban_belgrade_pride_2011