კონფერენციის თემა ”ადამიანის უფლებები და ტრადიციული ღირებულებები: კონფლიქტი თუ დიალოგი?” და სხვა საკითხები რიგ საპანელო დისკუსიებზე, ვორკშოპებსა და თვითორგანიზებულ ჯგუფებში იქნა განხილული.
წელს, „ილგა ევროპა“ არსებობის მეთხუთმეტე წელს აღნიშნავს და კონფერენციაში ასახული იყო ევროპული ლგბტი მოძრაობის ისტორია და სამომავლო გამოწვევები.
წლევანდელ კონფერენციაზე მიღებულ იქნა დეკლარაცია ჩრდილოეთ კვიპროსზე არსებული მდგომარეობის შესახებ. შეგახსენებთ, რომ ჩრდილოეთ კვიპროსი ერთადერთი ტერიტორიაა დღევანდელ ევროპაში, სადაც ნებაყოფლობითი სექსუალური კავშირი ზრდასრულ მამაკაცებს შორის კრიმინალიზებულად რჩება.
„ილგა ევროპას“ წლევანდელ კონფერენციას მხარი დაუჭირა იტალიის რესპუბლიკის პრეზიდენტმა, ჯორჯო ნაპოლეტანომ და ასევე იტალიის სენატმა, იტალიის პარლამენტის დეპუტატთა კაბინეტმა, იტალიის თანასწორი შესაძლებლობების მინისტრმა, ტურინის მერიამ და ტურინის რეგიონმა ისევე, როგორც „Esperienza Italia 150º“-მ.
„ილგა ევროპას“ აღმასრულებელი საბჭოს წევრის, მარტინ კ.ი. კრისტენსენის განცხადებით, ის ძალიან მოხარულია იმ ყურადღების გამო, რომელიც კონფერენციამ იტალიის მთავრობის წარმომადგენლებისგან მიიღო. მიუხედავად იმისა, რომ იტალია ევროკავშირისა და ევროსაბჭოს ერთ-ერთი დამაარსებელი წევრია, ლგბტ ადამიანებთან მიმართებაში იგი რჩება ევროპაში ერთ-ერთ ყველაზე ნაკლებად განვითარებულ ქვეყნად, რაც „ილგა ევროპას“ ცისარტყელა რუკასა და შესაბამის ნუსხაშიც არის ასახული.
წლევანდელი კონფერენციის მსვლელობისას „ილგა ევროპას“ წარმომადგენლებმა აირჩიეს აღმასრულებელი საბჭოს ახალი წევრები.
