მიუხედავად ამისა, შინაგანი უსაფრთხოების დეპარტამენტის მიერ ცოტა ხნის წინ გამოქვეყნებულ სახელმძღვანელოებში, რომლებიც აშშ–ს იმიგრაციისა და საბაჟოს სამსახურში მომუშავე იურისტებს ეხება, ერთსქესიან ურთიერთობაში მყოფი იმიგრანტები ნახსენები არ არიან.
კრის ჯონსონმა The Washington Blade–ს განუცხადა, რომ მიუხედავად იმისა, რომ ლგბტ წყვილები ზემოხსენებულ სახელმძღვანელოებში არ მოიხსენებიან, მათში „დაბალი პრიორიტეტის“ მქონე პირებად აღინიშნებიან ქვეყანაში არალეგალურად მცხოვრები იმიგრანტები, რომლებმაც ამერიკის შეერთებულ შტატებში დიდი ხანი ცხოვრობენ, დაამყარეს აქ მნიშვნელოვანი კავშირები და მნიშვნელოვანი წვლილი შეიტანეს ჩვენი ქვეყნის ცხოვრებაში.“
შინაგანი უშიშროების დეპარტამენტის ანონიმურმა წარმომადგენელმა განაცხადა, რომ ოჯახურ და არა მარიტალურ ურთიერთობებზე აქცენტის გაკეთება იმიტომ გადაწყდა, რომ მთავრობას სურდა ის ადამიანებიც მოეცვა, რომლებიც გრძელვადიან არარეგისტრირებულ ურთიერთობებში იმყოფებიან.
ორგანიზაცია „Immigration Equality“–ის პრესსპიკერმა სტივ რალსმა საპასუხოდ განაცხადა, რომ ლგბტ წყვილების სახელდება ამ ახალ სახელმძღვანელოში იმისათვისაა საჭირო, რომ არ მოხდეს არალეგალური ლგბტ იმიგრანტების ჰომოფობიურ სამშობლოში დეპორტირება.
