დერბის მახლობლად, ხუთი მუსლიმი მამაკაცი ავრცელებდა ბროშურებს, რომლებიც ლგბტ ადამიანების მოკვლის მოწოდებებს შეიცავდა, ახალი კანონმდებლობის მიხედვით მსგავსი ქმედებები სიძულვილით მოტივირებულ დანაშაულად ითვლება.

42 წლის იჰჯაზ ალის, 45 წლის მეჰბობ ჰუსეინს, 38 წლის უმარ ჯავედს. 27 წლის რაზვან ჯავედსა და 28 წლის კაბირ აჰმედს ბრალი ედებათ გამვლელებისათვის ლგბტ ადამიანებისადმი ძალადობისაკენ მოწოდების შემცველი ბროშურების დარიგებასა და მათი საფოსტო ყუთებზე მიკვრაში. მათ ბრალად ედებათ სიძულვილის გაღვივება სექსუალური ორიენტაციის ნიშნით, რაც 2010 წლის მარტში ძალაში შესულ კანონს პირდაპირ არღვევს. დაკავებულები ბრალდებას უარყოფენ.

პროკურორ, ბობი ჩიმას განცხადებით, ეს ბროშურები არა შემეცნებითი ან ინფორმაციული ხასიათისაა არამედ მუქარით, შეურაცხყოფითა და დაშინებით სავსე. მისი თქმით მუსულმანთა და სხვა რელიგიურ უმცირესობათა უმეტესობას აქვს უფლება ჰომოსექსუალობის მიმართ საკუთარი აზრი გამოხატოს კრიტიკული თუმცა კანონის ფარგლებში მყოფი, გაწონასწორებული და ზომიერი მეთოდებით.

პოლიციისადმი მიცემულ ინტერვიუში ბრალდების მხარე აცხადებს, რომ აჰმედი ირწმუნება, რომ ბროშურაში გეების სიკვდილით დასჯის მოწოდებას და მკითხველისთვის ამ ქმედების სამი შესაძლო მეთოდის შეთავაზებას არასწორად სულაც არ თვლის. მისი აზრით, ის უბრალოდ გამოხატავდა იმას, რასაც ისლამი ქადაგებს ჰომოსექსუალობაზე და როგორც მუსულმანი, იგი მოვალედ თვლის თავს ჰომოსექსუალობა დაგმოს.

სასამართლო პროცესი გრძელდება.

წყარო:https://apps.facebook.com/theguardian/uk/2012/jan/10/muslim-anti-gay-leaflet-hate