Delfi.lt–ს მიერ გავრცელებული ინფორმაციის თანახმად ვილნიუსის პირველმა საოლქო სასამართლომ დაადგინა, რომ გეების შესახებ საჯარო კომენტარში კაცმა, რომელიც ამჟამად ავეჯის ამწყობად მუშაობს, პროვოკაციული რიტორიკა გამოიყენა და მოუწოდა დაცინვის, დისკრიმინაციისა და ფიზიკური ძალადობისაკენ სექსუალური ორიენტაციის საფუძველზე. კომენტარის ირგვლივ გამოძიება დაიწყო მას შემდეგ, რაც პროკურატურამ ამის შესახებ შეტყობინება ლიტვური გეი ლიგისგან (LGL) მიიღო.

ზემოხსენებული სტატია ეხებოდა Lady Gaga–ს გამოჩენას რომის გეი პრაიდზე, რომლის განმავლობაშიც მან გააკრიტიკა ის ქვეყნები (მათ შორის ლიტვაც), რომლებიც ლგბტ ადამიანთა უფლებებს ზღუდავენ. თავის კომენტარში 37 წლის ვილნიუსელმა დაწერა: „ჩვენ მეორე ჰიტლერი გვჭირდება ეს ცისფერები რო ამოხოცოს, თორემ რაღაც ძალიან მომრავლდნენ.“

დაკითხვისას კომენტარის ავტორმა აღიარა, რომ სოციალურ ქსელ Facebook-ზე ეს კომენტარი გამოაქვეყნა, თუმცა დაიჟინა, რომ კომენტარი მხოლოდ მის პირად აზრს გამოხატავდა. „ჩემი მიზანი არ ყოფილა გეების მიმართ ძალადობისკენ მოწოდება და ძალიან ვწუხვარ იმის გამო, რაც ვთქვი. არ მოველოდი, რომ ჩემი კომენტარი ვინმესთვის შეურაცხმყოფელი იქნებოდა,“ დასძინა მან.

წყარო:http://www.atviri.lt/index.php/news/lithuanian_fined_for_anti_gay_comment_on_facebook/5572