GENDERDOC-M ღრმა შეშფოთებას გამოხატავს მოლდავეთში სიდიდით მეორე ქალაქის - ბალტის საკრებულოს გადაწყვეტილების გამო, რაც ქ. ბალტის ზონაში მოლდავური მართლმადიდებულური ეკლესიის მხარდაჭერით ‘არატრადიციული სექსუალური ორიენტაციის აგრესიული პროპაგანდის“ აკრძალვას გულისხმობს. ამ სამარცხვინო და აბსურდული განცხადებას საკრებულოს 35 წევრიდან 23-მა მოაწერა ხელი. განცხადების ინიციატორია კომუნისტური პარტია, რომელსაც საკრებულოში რაოდენობრივად ყველაზე მეტი წარმომადგენელი ჰყავს.
მოცემული გადაწყვეტილება არღვევს მოლდავეთის რესპუბლიკის კონსტიტუციას, ადამიანის უფლებათა ევროპულ კონვენციას, ადამიანის უფლებათა საყოველთაო დელარაციას და სხვა სამართლებრივ ინსტრუმენტებს, რომელზედაც ხელი აქვს მოწერილი მოლდავეთის რესპუბლიკას. მსგავსი გადაწყვეტილება ვერ უძლებს ვერანაირ კრიტიკას და ექვემდებარება გასამართლებას ეროვნულ დონეზე.
გვაშფოთებს ფაქტი, რომ ამ ბოლო დროს განსაკუთრებულად გამოვლენილმა ჰომოფობიამ, სიძულვილის ენამ და ძალადობამ ჰომოსექსუალების მიმართ ინტენსიური ხასიათი მიიღო, განსაკუთრებით ამჟამინდელ არასტაბილურ პოლიტიკურ სიტუაციაში, როცა ლგბტ ადამიანები განტევების ვაცად იქცევიან არსებული პოლიტიკური თამაშების კონტექსტში და წინასაარჩევნო მარათონის პირობებში.
მივმართავთ ყველა ადგილობრივ და საერთაშორისო ორგანიზაციას, სამთავრობო და არასამთავრობო ორგანოებს, საერთაშორისო მისიებს და დელეგაციებს მოლდავეთის რესპუბლიკაში, ასევე ადამიანის უფლებათა დამცველებს, განსაკუთრებული ყურადღება მიაქციონ არსებულ სიტიუაციას, სადაც ჰომოფობია კვებავს ინსტიტუციონალურ დონეზე მიღებულ გადაწყვეტილებებს და სამართლებრივ ინიციატივებს.
GENDERDOC-M საინფორნმაციო ცენტრი მოგმართავთ თხოვნით, ფართოდ გაავრცელოთ ეს ინფორმაცია იმ პირებსა და ინსტიტუტებს შორის, რომელთაც შეუძლიათ ზეგავლენა იქონიონ დასაწყისშივე შეაჩერონ მსგავსი გადაწყვეტილებები და ინიციატივები, სანამ მათ გარდაუვალი ზიანი მოუტანიათ.
