პროტესტი ნიუ იორკის ლგბტ ცენტრის წინ
04 03 2012

ერთი წლის წინ ნიუ–იორკის ლგბტ ცენტრმა, პალესტინელების მიმართ ისრაელის პოლიტიკისადმი დაპირისპირებულ ჯგუფ Siege Busters–ს საკუთარ ტერიტორიაზე შეხვედრა აუკრძალა. ცოტა ხნის წინ ცენტრმა ეს აკრძალვა ისრაელი–პალესტინის კონფლიქტის გარშემო ორგანიზებულ ყველა ჯგუფზე გაავრცელა, რამაც შესაბამისი ჯგუფების პროტესტი გამოიწვია.

„ცენტრს დაავიწყდა თავისი ისტორია,“ განუცხადა ბერკლიში კალიფორნიის უნივერსიტეტის პროფესორმა, ჯუდიტ ბატლერმა, ცენტრის მისაღებში შეკრებილ საპროტესტო აქციის მონაწილეებს. „მას დაავიწყდა სოციალური სამართლიანობისადმი ერთგულება. ის გაიყიდა,“ – დასძინა მან.

ცენტრმა ზემოხსენებულის თაობაზე განცხადება გამოაქვეყნა:

„ჩვენი პრიორიტეტია იმის უზრუნველყოფა, რომ ყველა ლგბტ ადამიანმა აქ თავი კომფორტულად იგრძნოს. ისრაელი–პალესტინის კონფლიქტის ირგვლივ ორგანიზებული შეხვედრებისათვის ადგილის გამოყოფა იმის საშუალებას გვიკარგავს,რომ ყველასათვის ნეიტრალური გარემო შევქმნათ. ამიტომაც, მორატორიუმი გაგრძელდება. ცენტრი პატივს სცემს ყველას სიტყვისა და თავშეყრის თავისუფლებას, მაგრამ ამ საკითხს რაც შეეხება, უბრალოდ ვთხოვთ ორივე მხარეს, რომ სხვაგან შეიკრიბონ.“

აღსანიშნავია, რომ ცენტრის პოლიტიკა სივრცის გაქირავების შესახებ, რომელშიც ნათქვამია, რომ მას შეუძლია ნებისმიერ ჯგუფს, ნებისმიერი მიზეზით უთხრას უარი, იშვიათად ყოფილა სკანდალური.

პროტესტის შემდეგ მონაწილეებმა გარეთ, გადაინაცვლეს და სკანდირება გააგრძელეს, მაშინ, როცა დანარჩენებმა ბანერები ჩამოკიდეს მეორე სართულის ფანჯრიდან.

წყარო: http://www.gaycitynews.com/articles/2012/03/03/gay_city_news/news/doc4f52ec3f3220d126534660.txt



ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
"ვნებები და უფლებები"- ნამუშევრები გამოფენიდან
გრადაცია | ინსტალაცია ტრანს ხსოვნის დღისთვის
სიძულვილს გადარჩენილი ადამიანები იქ, სადაც სიყვარული აკრძალულია