ცოტა უფრო მეტად უცნაური
15 05 2009

გამოვიდა ცნობილი თანამედროვე ბრიტანელი რომანისტის, სარა ვოტერსის (Sarah Waters) ახალი, მეხუთე რომანი, სახელწოდებით “ცოტა უფრო მეტად უცნაური” (The Little Stranger), რომელიც ევროპულ წიგნის მაღაზიებში 28 მაისიდან გამოჩნდება.

1998 წელს, როდესაც მისი სადებიუტო რომანი - ოფიციალური თარგმანის მიხედვით “ხავერდის ფეხები”, ხოლო უფრო კონტექსტურად რომ ვთარგმნოთ, “შეეხე ხავერდს ენის წვერით” (Tipping The Velvet) – გამოქვეყნდა, როგორც წიგნმა, ასევე ავტორმა მაშინვე მიიპყრო მრავალრიცხოვანი მკითხველის დიდი ყურადღება, რომლებიც ლესბოსური “ვიქტორიანული” ინგლისით დაინტერესდნენ.

ვოტერსის ორმა შემდგომმა რომანმა “სიახლოვე” (Affinity) (1999 წ.) და “დელიკატური ნამუშევარი” (Fingersmith) (2002 წ.) ავტორის “ვიქტორიანული ტრილოგია” დაასრულა, ხოლო მეოთხე წიგნით - “ღამის თვალთვალი” (The Night Watch) (2006 წ.) - მან ადამიანური ამბების მოთხრობით იმ დროში, როდესაც მსოფლიოს ბომბები ახმაურებდა, 40-იანი წლების ლონდონის გრძნობაზე მოყვანა სცადა.

მწერლის პირველი სამი რომანი ეკრანიზებულია, ხოლო “ღამის თვალთვალის” სატელევიზიო ვერსია ამჟამად მუშავდება BBC-ზე.

სარა ვოტერსი მრავალი ღირსშესანიშნავი პრემიითაა დაჯილდოებული, მათ შორის, მას რამდენჯერმე აქვს მიღებული Stonewall Book Award-ის ლიტერატურული პრემია, რომელსაც დიდი ბრიტანეთის წამყვანი ლგბტ ორგანიზაცია “სთოუნვოლი” ყოველწლიურად ანიჭებს ლგბტ თემატიკაზე შექმნილ საუკეთესო ინგლისურენოვან ლიტერატურულ ნაშრომს. მწერალი ასევე ”ორანჯის”, “სომერსეთ მოემისა” და სხვა ლიტერატურული პრემიების ლაურეატია. იგი 2003 წელს დასახელდა ცნობილი პრესტიჟული ლიტერატურული ჟურნალისა და გამომცემლობის “გრანტას” “ახალგაზრდა ბრიტანელ რომანისტთა საუკეთესო ოცეულს” შორის.

დაწვრილებითი ინფორმაცია სარა ვოტერსის, მისი შემოქმედებისა და ახალი რომანის შესახებ შეგიძლიათ, იხილოთ მწერლის ოფიციალურ ვებ-გვერდზე.



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
სიძულვილს გადარჩენილი ადამიანები იქ, სადაც სიყვარული აკრძალულია
ერთი დღე "ჰომოფობიის ლაბირინთში"
გრადაცია | ინსტალაცია ტრანს ხსოვნის დღისთვის