უკიდურესი მემარჯვენე პოლიტიკური პარტიის, იობბიკის (რომელსაც უნგრეთის პარლამენტში 386 ადგილიდან 47 უკავია) ერთ–ერთმა წევრმა წარადგინა სამი კანონპროექტი „სექსუალურ ქცევაში დარღვევათა, განსაკუთრებით კი ერთი სქესის ადამიანებს შორის სექსუალური ურთიერთობების“ დადებითად წარმოჩენის ასაკრძალად.

ამ კანონპროექტიდან ორი საკონსტიტუციო შესწორებაა, რომელიც აკრძალავს საჯარო ღონისძიებებსა და დისკუსიებსა თუ ლექციებს, რომლებიც იმის „პროპაგანდას“ ემსახურება, რასაც ექსტრემისტები „გადახრად“ მიიჩნევენ. მესამე კანონპროექტის ძალით შესწორება უნდა შევიდეს სარეკლამო და მედია კანონებსა და სისხლის სამართლის კანონში, მსგავის „პროპაგანდის“ დასასჯელად. ზემოხსენებული შესწორებები ითვალისწინებს 505 ევროს ოდენობის ჯარიმებს ისევე, როგორც სამი წლით თავისუფლების აღკვეთას.

შეგახსენებთ, რომ გასულ კვირას ბუდაპეშტის პოლიციამ კიდევ ერთხელ თქვა უარი ლგბტ პრაიდის ჩატარებისათვის საჭირო ნებართვის გაცემაზე. 2011 პოლიციამ თავი იმით იმართლა, რომ სამანქანო მოძრაობის გადანაწილებას ვერ შეძლებდნენ, მიუხედავად იმისა, რომ იგივე მიზეზი ხელს არ უშლის ამავე მარშრუტზე სხვა მსვლელობების მოწყობას. გასული წლის აკრძალვა ბუდაპეშტის საქალაქო სასამართლომ არასწორად ცნო.

წყარო:http://www.lgbt-ep.eu/press-releases/hungary-increasingly-hostile-climate-for-lgbt-people/