გასულ კვირას ცისარტყელა დროშებით აჭრელებულმა ჰანოიმ ვიეტნამის პირველ გეი პრაიდს უმასპინძლა.

პრაიდმა, რომელსაც ორგანიზება გაუწია ქალაქის მცირე, მაგრამ მზარდმა ლგბტ თემმა, ინციდენტების გარეშე ჩაიარა. პოლიციას არ უცდია დაახლოებით ასი მონაწილისაგან შემდგარი ფერადოვანი პროცესიის შეჩერება, მიუხედავად იმისა, რომ მათ ღონისძიების ჩატარების ოფიციალური ნებართვა არ ჰქონდათ.

ღონისძიება ივლისში ქვეყნის იუსტიციის მინისტრის მოულოდნელ განცხადებას მოყვა იმის თაობაზე, რომ იგეგმება ვიეტნამის კანონის შესწორება ერთსქესიანი წყვილების მოსაცავად. კანონის მიზანია ერთსქესიან წყვილებს შორის დავების დარეგულირება და ისეთი საკითხების მოგვარება, როგორიცაა საკუთრების ფლობა, მემკვიდრეობა და ბავშვებზე მეურვეობა. იუსტიციის სამინისტრო საჯარო აზრს გაითვალისწინებს, კონსულტაციებს გაივლის სახელმწიფო უწყებებთან, სანამ განცხადებას შეიტანს ეროვნულ ასამბლეაში მომავალ მაისში.

კანონის მიღების შემთხვევაში სოციალისტური ვიეტნამი პირველი აზიური ქვეყანა იქნება, რომელიც ერთსქესიან ქორწინებას აღიარებს.

წყარო: http://www.rt.com/news/vietnam-gay-parade-marriage-law-904/