მას შემდეგ, რაც სანკტ პეტერბურგში გამართულ კონცერტზე მადონამ გეი პრაიდის აკრძალვა გააპროტესტა, აქტივისტების ჯგუფმა განაცხადა, რომ მის წინააღმდეგ 10.5 მილიონი ამერიკული დოლარის ღირებულების სარჩელს შეიტანდა სასამართლოში, „მორალური ზიანის გამო“, გვამცნობს რუსული პრეს სააგენტო „რია ნოვოსტი“. რუსეთის მოქალაქეთა გაერთიანებას, სამოქალაქო ჯგუფ სახალხო ასამბლეასა და პარტია „ახალ დიად რუსეთს“ სარჩელი დღეს შეაქვთ სასამართლოში.
შეგახსენებთ, რომ 9 აგვისტოს გამართული კონცერტის განმავლობაში მადონამ დაარიგა ვარდისფერი სამაჯურები და არაერთგზის გამოხატა მხარდაჭერა ლგბტ თემის მიმართ, ქალაქში გამართული საპროტესტო აქციების მიუხედავად.
ზემოხსენებული სარჩელი კიდევ უფრო სკანდალურს ხდის მადონას 2012 წლის მსოფლიო ტურნეს: თვის დასაწყისში მომღერალი ელტონ ჯონმა გალანძღა და დასძინა, რომ მისი კარიერა დასრულებულია. ვარშავაში გამართული კონცერტისას მან აჩვენა მეორე მსოფლიო ომის დროინდელი ვარშავის აჯანყების კადრები. ივლისში პარიზში შეგროვილმა მსმენელმა მას „ბოზი“ უწოდა, მას შემდეგ, რაც მომღერალმა მოულოდნელი 45 წუთიანი შოუ პროგრამა წარადგინა. საფრანგეთის მემარჯვენე პარტია ეროვნულმა ფრონტმა განაცხადა, რომ მადონას წინააღმდეგ სარჩელს შეიტანდა, პარიზის კონცერტზე ნაცისტური სიმბოლიკის გამოყენების გამო.
