რომის პაპი ბენედიქტ XVI–მ ორი დღის წინ საფრანგეთში 32 ქვეყნის კათოლიკე ეპისკოპოსებს შეხვდა და ერთსქესიან ქორწინებაზე კომენტარი გააკეთა. მოგეხსენებათ, საფრანგეთში ესესაა აირჩიეს ახალი პრეზიდენტი ფრანსუა ჰოლანდი, რომელიც ამომრჩეველს დაპირდა რომ ერთსქესიან ქორწინებას ლეგალურს გახდიდა.
„ქორწინება და ოჯახი ის ინსტიტუციები, რომლებიც უნდა დაცულ იქნას ნებისმიერი არასწორი ინტერპრეტაციისგან მათი ჭეშმარიტი ბუნების შესახებ, რადგან ის რაც საზიანოა ამ ინსტიტუტებისთვის, საზიანოა თავად საზოგადოებისთვის,“ განაცხადა პონტიფიკუსმა.
მან ასევე განაცხადა, რომ ოჯახი, რომელიც საზოგადოების ფუნდამენტია „საფრთხეშია ბევრგან, სადაც არასწორი წარმოდგენა აქვთ ადამიანის ბუნებაზე.“
პაპმა ასევე განაცხადა : „ოჯახი ფუნდამენტური ერთეულია შემეცნებითი პროცესისა და ინდივიდებისა და სახელმწიფოების განვითარებისთვის; ამგვარად არსებობს საჭიროება სახელმწიფო პოლიტიკისა, რომელიც ოჯახის წინ წაწევას მოახერხებს და სოციალურ დიალოგს შეუწყობს ხელს.“
2008 წლის ბოლოს, პაპმა განაცხადა, რომ გეები კაცობრიობას საფრთხეს უქმნიან ისევე, როგორც ტროპიკული ტყეების გაჩეხვა და, რომ გენდერებს შორის ზღვარის „გაბუნდოვნება“ ტრანსგენდერი ადამიანებისადმი მიმღებლობის მეშვეობით, კაცობრიობას ბოლოს მოუღებს.
2010 წელს პაპმა განაცხადა, რომ საჭიროა დავიცვათ განადგურების რისკის ქვეშ მყოფი არსებები, მათ შორის ადამიანები: „ერთ–ერთი ასეთი თავდასხმა მოდის კანონებისგან, რომლებიც დისკრიმინაციასთან ბრძოლის სახელით, დარტყმას აყენებენ სქესებს შორის განსხვავების ბიოლოგიურ ბაზისს.“
წაყრო:
http://www.pinknews.co.uk/2012/09/22/pope-same-sex-marriage-threatens-the-future-of-human-nature-and-society/
