მიუხედავად საერთაშორისო გამოხმაურებისა, უგანდას მთავრობა წლის ბოლოს ოფიციალურად დაამტკიცებს ”მოკალი გეი” კანონპროექტს.

სპიკერმა რებეკა კადაგამ განაცხადა, რომ ზემოხსენებული კანონპროექტი კანონად იქცევა დეკემბერში, რადგან უგანდელების უმეტესობა ამის სურვილს გამოთქვამს. კადაგამ კანონპროექტი მოსახლეობისათვის ”საშობაო საჩუქრად” მოიხსენია და ისაუბრა იმ ”სერიოზულ საშიშროებაზე”, რომელსაც ჰომოსექსუალები წარმოადგენენ.

ეს კანონი კრიმინალიზაციას ერთსქესიან ურთიერთობებზე გააფართოვებს, და ჰომოსექსუალობას ორ კატეგორიად: დამამძიმებელ და ჩვეულებრივ კანონსაწინააღმდეგო ჰომოსექსუალობად ჰყოფს.

”დამამძიმებელი ჰომოსექსუალობა” განსაზღვრულია, როგორც ჰომოსექსუალური აქტი ჩადენილი მშობლების, ავტორიტეტული ფიგურების, აივ ინფიცირებული ადამიანების, პედოფილებისა და რეციდივისტების მიერ. ამ შემთხვევაში მათ შეიძლება სასიკვდილო განაჩენი შეეფარდოთ.მეორე კატეგორია კი შეიცავს ერთსქესიან სექსუალურ აქტებს, ან გეი ურთიერთობაში ყოფნას, რის შემთხვევაშიც მსჯავრდებულს შეიძლება სიცოცხლის ბოლომდე თავისუფლების აღკვეთა შეეფარდოს.

წყარო:http://www.gaystarnews.com/article/uganda-officially-pass-%E2%80%98kill-gays%E2%80%99-bill121112