შაბათს, 17 ოქტომბერს რამდენიმე ასეული ადამიანი გამოვიდა ნიუ-იორკ სითის მეზობლად მდებარე კოლეჯ-ფოინთის (ქვინსის) ქუჩებში სიძულვილის წინააღმდეგ კამპანიის ფარგლებში ჯეკ პრაისის მხარდასაჭერად, რომელიც ჰომოფობიური თავდასხმის მსხვერპლი გახდა. ერთი კვირით ადრე ჯეკ პრაისი გასტრონომიული მაღაზიიდან გამოსვლის შემდეგ ორმა მამაკაცმა ქუჩაში სასტიკად სცემა. ამის შესახებ www.towleroad.com იტყობინება. იმავე დღეს საპროტესტო აქცია გამართეს პრაისზე თავდამსხმელი დენიელ როდრიგესის (იგი დაპატიმრებულია) მეგობრებმაც. მათ ნიუ-იორკის სატელევიზიო არხ WPIX-TV-თან საუბარში უარყვეს, რომ მომხდარი სიძულვილის საფუძველზე ჩადენილი დანაშაულია, და თავდამსხმელებს, დენიელ ალემანსა და დენიელ როდრიგესს, რომელთა მიერ პრაისის სასტიკი ცემაც შემთხვევით ვიდეო-ფირზე იქნა აღბეჭდილი, “მედიისგან ლინჩის წესით გასამართლების მსხვერპლები” უწოდეს.