დელის მეხუთე ქუიარ პრაიდის მიმდინარეობისას, დედაქალაქის ლგბტ თემმა უკმაყოფილება გამთქვა იმ დაცინვის გამო, რომელსაც ის ბოლივუდის მხრიდან განიცდის. მათი აზრით ეს მიდგომა უნდა შეიცვალოს. ადვოკატი და ლგბტ აქტივისტი შაში ბჰუშანი აცხადებს, რომ ბოლივუდს შეუძლია გეები უფრო ტაქტიანად წარმოაჩინოს. ფილმებს დიდი გავლენა აქვთ მასებზე და თუკი ცნობილი სახეები დაუჭერენ მხარს ლგბტ თემს, ეს აუცილებლად გაზრდის მიმღებლობის დონეს.
რუპიკა დჰილონი, არასამთავრობო ლგბტ ორგანიზაცია SPACE–ის (Society for Peoples’ Awareness, Care & Empowerment) დირექტორი აცხადებს რომ დროა ბოლივუდმა უარი თქვას გეი პერსონაჟების გამასხრებაზე.
თუმცა შოუ ბიზნესის წარმომადგენლები ხსნიან, რომ მათი მიზანი დაცინვა სულაც არ არის: „ზოგჯერ სცენარს ჭირდება მსგავსი პერსონაჟები, თუმცა რა თქმა უნდა მათი უკეთ წარმოჩენაც შეიძლება“, აცხადებს რეჟისორი ანეს ბაზმეე.
