როდესაც ნორვეგიის სამეფო ტახტის მემკვიდრის, პრინცესა მეტე-მარიტის სასახლეში მომუშავე მეგობარმა ვერ მოახერხა დროულად მოეპოვებინა ვიზა, რათა სუროგაციის გზით გაჩენილი ტყუპი შვილები მოენახულებინა, პრინცესამ დახმარება გადაწყვიტა.

ვიზასთან დაკავშირებულმა პრობლემამ ხელი შეუშალა ბავშვების ნორვეგიელ მშობლებს - ერთსქესიან წყვილს - დაბადების მომენტისთვის ჩასულიყვნენ ინდოეთში.

მეტე-მარიტმა იცოდა, რომ თავისი დიპლომატიური პასპორტით ქვეყანაში შეფერხების გარეშე შეძლებდა შესვლას, ამიტომ ის თვითმფრინავში ჩაჯდა და ინდოეთში გაემგზავრა. აქ ის მაშინვე მივიდა საავადმყოფოში და მშობლების ჩამოსვლამდე, რამდენიმე დღის მანძილზე დარჩა ახალშობილებთან.

პრინცესას ვიზიტის შესახებ ინდოეთის მთავრობა არ გაუფრთხილებია და საავადმყოფოს პერსონალს, ნორვეგიის მომავალი დედოფალი უბრალო ძიძა ეგონა.

სუროგაცია ნორვეგიისთვის საკმაოდ საკამათო საკითხია და მთავრობა ოფიციალურად მოუწოდებს მშობლებს მოერიდონ ფულად ანაზღაურებაზე დაფუძნებულ სუროგაციას.

წყარო:http://www.opposingviews.com/i/tophealth/norway-s-crown-princess-mette-marit-lgbt-heroine