გასულ კვირას ლგბტ აქტივისტები თორმეტზე მეტი აზიური ქვეყნიდან კატმანდუში შეიკრიბა, ზაფხულში დაგეგმილ გაეროს ადამიანის უფლებათა საბჭოს შეხვედრისათვის სტრატეგიის ჩამოსაყალიბებლად. შეხვედრას ასევე დაესწრნენ ნეპალის მთავრობის წევრები, მათ შორის ქალთა, ბავშვთა და სოციალური კეთილდღეობის მინისტრი რიდჰი ბაბა პრადჰანი, რომელმაც განაცხადა, რომ ეს შეხვედრა ამტკიცებს, რომ „მითი თითქოს ლგბტ უფლებები შეუთავსებელია აზიურ ღირებულებებთან, მცდარია.“ თავის ვიდეო მიმართვაში, გაეროს გენერალურმა მდივანმა ბან კი მუნმა განაცხადა, რომ მეტისმეტად ბევრი ადამიანი და მთავრობა აგრძელებს უარყოფას იმისა, რომ არსებობს უსამართლობა და დისკრიმინაცია, რომელსაც საფუძვლად სექსუალური ორიენტაცია და გენდერული იდენტობა უდევს. ნეპალი, ამ მხრივ, რეგიონში სხვა ქვეყნებთან შედარებით უფრო პროგრესული აღმოჩნდა. მან მიიღო ახალი კონსტიტუცია, რომელიც თანასწორობის გარანტიას აძლევს სექსუალურ უმცირესობებს და გასცემს გენდერულად ნეიტრალურ პასპორტებს ტრანსგენდერი მოქალაქეებისათვის. გასულ ოქტომბერს კი ნეპალში ლგბტ სპორტ ფესტივალს ჩაეყარა საფუძველი. წყარო: http://www.queerty.com/lgbt-activists-from-across-asia-strategize-before-u-n-human-rights-meeting-20130326/