შვედეთში გაუქმდა კანონი, რომლის მიხედვითაც გენდერული კვლავმინიჭების ოპერაციის გავლის მსურველ ტრანსგენდერ ადამიანებს სტერილიზაციის გავლა ევალებოდათ იმისათვის, რომ მათი გენდერული იდენტობა ლეგალურად ყოფილიყო აღიარებული. კანონი 1972 წელს მიიღეს და შვედეთის პარლამენტის უმრავლესობას ორი წლის წინ უნდოდა მისი გაუქმება, თუმცა ერთ-ერთმა კონსერვატიულმა პარტიამ ეს ცვლილება დაბლოკა. სტოკჰოლმის ადმინისტრაციულმა სასამართლომ ეს აკრძალვა 2013 წლის 1 იანვარს გააუქმა. ეს გადაწყვეტილება მას შემდეგ იქნა მიღებული, რაც უცნობმა მომჩივანმა, რომელსაც სურდა სქესის კვლავმინიჭების ოპერაციის გავლა, სტერილიზაციაზე უარი თქვა. ეს საქმე სასამართლოში იქნა შეტანილი მომჩივანის სახელით შვედეთის ჯანდაცვის საბჭოს მიერ. შვედეთის პარლამენტმა სავალდებული სტერილიზაციის ამკრძალავი კანონი 2012 წლის შემოდგომაზე მიიღო, თუმცა იგი ძალაში შევიდა 2013 წლის იანვარში. წყარო: http://www.pinknews.co.uk/2013/01/10/sweden-ends-forced-sterilisation-rule-for-people-who-undergo-gender-reassignment/