მსოფლიო ჩემპიონატზე წარმდგარი რუსული ნაკრების ორმა ქალმა ათლეტმა, მოპოვებული ოქრის მედალი რუსეთში ჰომოფობიური კანონმდებლობის გასაპროტესტებლად გამოიყენა. მას შემდეგ, რაც ათლეტები პოდიუმზე ავიდნენ და ჯილდო მიიღეს, მათ ერთმანეთს ტუჩებში აკოცეს. ქსენია რიჟოვამ და ტატიანა ფიროვამ ოქროს მედალი მოიპოვეს 4 x 400 მეტრზე ხტომისათვის მოსკოვში გამართულ ჩემპიონატზე, მათ თანაგუნდელ იულია გუშჩინასა და ანტონინა კრივოშაპკასთან ერთად. გამარჯვების შემდეგ რიჟოვამ და ფიროვამ ერთმანეთს ტუჩებში აკოცეს და მიუხედავად იმისა, რომ ეს ჟესტი რუსეთში უფრო შეიძლება მეგობრულად იქნას აღქმული, ის მაინც რუსეთის ჰომოფობიური კანონის წინააღმდეგ პროტესტად შეფასდა. აღსანიშნავია, რომ გასულ ხუთშაბათს, შვედი სიმაღლეზე მხტომი ემა გრინ–ტრგარო რუსეთის ლგბტ თემის მხარდასაჭერად ცისატყელას ფერებში შეღებილი ფრჩხილებით გამოვიდა. მას მოგვიანებით ათლეტთა ფედერაციების საერთაშორისო ასოციაციამ განუცხადა, რომ ის მათ კოდექსს არღვევდა და მას ფრჩხილების წითლად გადაღებვა მოუწია „სიყვარულისთვის“. წყარო