რეგიონთაშორისი სამოქალაქო მოძრაობა, რომელიც რუსეთის უდიდეს ლგბტ ქსელს წარმოადგენს, მოუწოდებს პრეზიდენტ დმიტრი მედვედევს, რომ ცვლილებები შეიტანოს სისხლის სამართლის კოდექსში, რომ სიძულვილით მოტივირებული დანაშაულის კანონი ითვალისწინებდეს გეი, ლესბოსელი ბისექსუალი და ტრანსგენდერი ადამიანების უფლებებს. ამ შესწორების მიღების შემთხვევაში, სასამართლოებს მოუწევთ ანგარიშის გაწევა იმისათვის, არის თუ არა დანაშაული მიმართული ადამიანის მიმართ კერძოდ მისი სექსუალური ორიენტაციის ან გენდერული იდენტობის გამო.
იგორ კოჩეტკოვმა (პეტროვი),რეგიონთაშორისი სამოქალაქო მოძრაობის, რუსეთის ლგბტ ქსელის თავმჯდომარემ განაცხადა: ”სახელმწიფო და საზოგადოება ერთნაირად უნდა ეწინააღმდეგებოდეს მტრულ განწყობასა და სიძულვილის გამოვლენას ნებისმიერი - ეთნიკური, რელიგიური თუ სექსუალური - უმცირესობის მიმართ. ბოლო დროის მანძილზე ბევრი შემთხვევა ვნახეთ, როცა წარმოუდგენლად რბილი განაჩენი გამოუტანეს ადამიანებს, რომლებმაც მკვლელობა ჩაიდინეს მარტო იმიტომ, რომ მსხვერპლის სექსუალური ორიენტაცია არ მოეწონათ. გარდა ამისა სამართალდამცავები და სასამართლოები უპასუხოდ ტოვებენ საჯარო მოწოდებებს ჰომოსექსუალი ადამიანების იზოლირების, მკურნალობის და განადგურების შესახებ. ეს პრაქტიკა კანონის დონეზე უნდა მოისპოს”
ინგლისურად სრული ტექსტის სანახავად მიყევით ბმულს
