რუსეთი შვედი მშობლების მიერ რუსი ბავშვების შვილად აყვანის პროცესს წყვეტს იმ სასამართლო გადაწყვეტილების შესაბამისად, რომელიც შვილად აყვანას კრძალავს იმ ქვეყნის წარმომადგენლების მიერ, სადაც ჰომოსექსუალ წყვილებს ქორწინების უფლება აქვთ. ეს საშინელებაა. რუსულ ბავშვთა თავშესაფარში 13 ბავშვია, რომლებიც შვედ მშობლებზე უნდა გაშვილებულიყვნენ და უკვე შეხვდნენ კიდეც მომავალ მშობლებს“ ამბობს შვილად აყვანის ცენტრის წარმომადგენელი იონას ფრიბერგი შვედეთიდან. რუსეთის ხელისუფლების წარმომადგენლები და შვედეთის საელჩო შეხვდნენ და განიხილეს რუსი ბავშვების გაშვილების პროცესთან დაკავშირებული კანონები. რუსეთი აპირებს კონკრეტულ ქვეყნებთან ისეთ შეთანხმებებზე ხელის მოწერას, რომელიც უზრუნველყოფს იმას, რომ რუსი ბავშვები არ გაშვილდებიან ლგბტ მშობლებზე. შვედეთის საგარეო საქმეთა მინისტრმა დაადასტურა, რომ ფორმალური მოლაპარაკებები არ დაწყებულა, შეხვედრა მცდელობა იყო იმისა, რომ გარკვეულიყო, თუ როგორ მოხდება ამ კანონის გამოყენება პრაქტიკაში. რუსი პოლიტიკოსი ვიტალი მილონოვი კი ამასობაში შვედურ ტელეკომპანია SVT-ისთან ინტერვიუში ჰომოსექსუალებს „გარყვნილებს“ უწოდებს  და ამტკიცებს, რომ უმჯობესია ბავშვები ისევ რუსულ ბავშვთა თავშესაფრებში დარჩნენ. წყარო