20 ნოემბერი, 2013 წელი “Coming Out” შეკრების თავისუფლების დარღვევის ფაქტზე ადამიანის უფლებათა ევროპულ სასამართლოს მიმართავს ლგბტ ორგანიზაციამ „Coming Out” პირველი სარჩელი შეიტანა ადამიანის უფლებათა ევროპულ სასამართლოში ლგბტ ადამიანების შეკრების თავისუფლების შელახვის და დისკრიმინაციის შესახებ. სარჩელი შეეხება სანკტ-პეტერბურგის მთავრობის მიერ უარს დემონსტრაციის გამართვაზე, რომელიც „ჰომოსექსუალობის პროპაგანდის“ კანონის წინააღმდეგ იგეგმებოდა 2012 წლის 19 დეკემბერს პეტერბურგში "Coming Out"-ის მიერ. პეტერბურგის საქალაქო სასამართლოს მიხედვით, დემონსტრაცია „ჰომოსექსუალობის პროპაგანდის“ კანონის დარღვევა იქნებოდა. სასამართლომ დაასკვნა, რომ „ორგანიზატორების მცდელობა […] გაევრცელებინათ ბროშურები და ვიზუალური პროპაგანდის სხვა საშუალებები ახალგაზრდა მაყურებელთა თეატრთან, მოეწოდებინათ გეების, ლესბოსელებისა და სხვა სექსუალური უმცირესობების მიმართ ტოლერანტობისადმი და მოეხდინათ ერთი სქესის წყვილების მიერ ბავშვების აღზრდის პროპაგანდა, არ უნდა იყოს მიზანშეწონილი, იმ პოტენციური საფრთხის გამო, რომელსაც დემონსტრაცია წარმოადგენს ბავშვთა მორალური და სულიერი განვითარებისთვის. […] უარი არ წარმოადგენს განმცხადებლის უფლებების დარღვევას ვინაიდან ის რეალურად იმ ინფორმაციის გავრცელებას უშლის ხელს, რომელსაც შეუძლია ტრადიციული და არა-ტრადიციული ურთიერთობების სოციალური თანასწორობის შესახებ დამახინჯებული გაგების ჩამოყალიბება იმ ადამიანებს შორის, რომლებთაც მათი ასაკის გამო მსგავსი ინფორმაციის კრიტიკულად შეფასების უნარი არ აქვთ.“ ბოლო წინადადება გვხვდება პეტერბურგის „ჰომოსექსუალობის პროპაგანდის“ კანონში „პროპაგანდის“ განმარტებაში. „იმედი გვქონდა, რომ პრობლემის გადაწყვეტა ადგილობრივ დონეზე იქნებოდა შესაძლებელი. ადამიანის უფლებათა ევროპული სასამართლო უკანასკნელი იმედი აღმოჩნდა“ - ამბობს ქსენია კირიჩენკო, „Coming Out”-ის იურისტი. „სამწუხაროდ, შეკრების თავისუფლების უფლება, რომელიც გარანტირებულია რუსეთის კონსტიტუციისა და საერთაშორისო შეთანხმებებით, თითქმის არასდროს მოქმედებს ლგბტ უფლებების მხარდამჭერი აქტივობების დროს. გვეუბნებიან, რომ მსგავსი დემონსტრაციები ბავშვთა ინტერესებს ეწინააღმდეგება. ევროპულ სასამართლოს მივმართავთ აღიარონ ევროპული კონვენციის დარღვევა და დააკისრონ რუსეთს ზომების მიღება, მათ შორის ეგრეთწოდებული „არასწრულწოვანთა შორის ჰომოსექსუალობის პროპაგანდის“ ამკრძალავი კანონის გაუქმება და მორალური ზიანისთვის კომპენსაცია.“ წყარო: ლგბტ ორგანიზაცია "Сoming Out", სანკტ-პეტერბურგი