სიახლეები
სტამბოლში ყოველწლიური ტრანს პრაიდი ჩატარდა
25 06 2014
https://lesbi.ge/s/uzx/
2735
22 ივნისს, ლგბტ პრაიდამდე ერთი კვირით ადრე, სტამბოლის ისტიკლალის გამზირზე ასობით დემონსტრანტმა და ლგბტ აქტივისტმა მოიყარა თავი მეხუთე ყოველწლიური ტრანს პრაიდისთვის. მსვლელობა საფრანგეთის საელჩოს წინ დაიწყო, ვინაიდან მსვლელობის ტაქსიმის მოედნიდან დაწყების უფლება პოლიციამ დემონსტრაციის მონაწილეებს არ მისცა. „ჩვენ გავაგრძელებთ ბრძოლას სანამ საბოლოოდ არ დავამარცხებთ კორუმპირებულ რეჟიმს. ჩვენ დავიცავთ გეი პრაიდს ქუჩებში, პარკებსა და ციხეებში“ განაცხადეს პრაიდის მონაწილეებმა მათ მიერ გაცემულ პრეს რელიზში. მონაწილეები ასევე ითხოვდნენ ჰომოსექსუალი პირების დასაქმების წესების გაუმჯობესებას, კანონმდებლობაში პროსტიტუციისა და სიძულვილით მოტივირებული დანაშაულის შესახებ არსებული რეგულაციების ცვლილებას. განცხადებაში ასევე მოთხოვნილია სექს მუშაკების ოფიციალური ბიზნესის წარმომადგენლებად აღიარება და მათთვის გარანტირებული შრომითი უფლებების დაცვა. წყარო


ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
სიძულვილს გადარჩენილი ადამიანები იქ, სადაც სიყვარული აკრძალულია
ქვიარ დების გარბენი - სოციალური და გარემოსდაცვითი სამართლიანობა
ერთი დღე "ჰომოფობიის ლაბირინთში"