დაახლოებით 20 ადამიანი ატარებდა საპროტესტო აქციას ოთხშაბათს სტრიპ და ტროპიკანა ავენიუების გადაკვეთაზე და მოუწოდებდა სენატორ ჰარი რეიდს, რომ მხარი დაეჭირა სამსახურში სექსუალური ორიენტაციისა და გენდერული იდენტობის საფუძველზე დისკრიმინაციის აკრძალვის კანონპროექტისთვის.

დემონსტრაციის დროს 8 ადამიანი იქნა დაკავებული საგზაო მოძრაობის შეფერხებისა და პოლიციისადმი დაუმორჩილებლობის ბრალდებით, როცა სამართალდამცავებმა მათ დაშლისკენ მოუწოდეს.

ორგანიზატორების თქმით, GetEQUAL (გახდი თანასწორი), ჯგუფი, რომელმაც მოაწყო დემონსტრაცია, არის ახალი ლგბტ მოძრაობა, რომლის მისიაცაა გააძლიეროს ლგბტ საზოგადოება და მისი მომხრეები და ქმედებით მოითხოვოს სრული სამართლებრივი და სოციალური თანასწორობა.

GetEQUAL -ის ხელმძღვანელი ჰიზერ ქრონკი ამბობს, რომ ანტი-დისკრიმინაციული აქტი, რომელიც ლგბტ საზოგადოებისთვის სამუშაო ადგილზე დისკრიმინაციისგან დასაცავ ფედერალურ მექანიზმებს აამუშავებდა, კონგრესში 1974 წლიდანაა გაჭედილი. ახლა კი, როგორც ჩანს კანონპროექტს საკმარისი ხმები აქვს, მაგრამ სენატში ჯერ კიდევ არ ყავს ბევრი მხარდამჭერი, სწორედ აქ შეუძლია სენატორ რეიდს მდგომარეობა შეცვალოს.

GetEQUAL ეროვნული ორგანიზაციაა. ოთხშაბათის დემონსტრაციაზე მასთან თანამშრომლობდნენ ადგილობრივი ლგბტ აქტივისტები მეზობელი არიზონა და კალიფორნიიდან.

ინგლისურად სრული ტექსტის სანახავად მიყევით ბმულს