ავღანური პოლიციის ინფორმაციით კვირას ბადღის პროვინციაში მდებარე ქადის რაიონის მეამბოხე მმართველმა, ბიბი სანუბარი დააკავა და საჯაროდ გამათრახების შემდეგ თავის არეში სამი სასიკვდილო ცეცხლსასროლი ჭრილობა მიაყენა.
სანუბარს ”უკანონო სქესობრივი კავშირი” ედებოდა ბრალად, თუმცა მამაკაცმა, რომელთანაც მას ”უკანონო ურთიერთობა” ჰქონდა, სასჯელი თავიდან აიცილა.
2001 წლამდე ტალიბანის ექვსწლიანი მმართველობის განმავლობაში უკანონო სქესობრივი კავშირში ეჭვმიტანილ ქალებს ამათრახებდნენ ან ქოლავდნენ, ხოლო ქურდებსა და მკვლელებს კიდურებს კვეთდნენ ან საჯაროდ უსწორდებოდნენ.
მოჰამად ნასირ ნაზაარი, ბადღის საბჭოს თავმჯდომარე, ადასტურებს სიკვდილით დასჯის ამ ფაქტს და ამტკიცებს, რომ ქადისის ოლქი მთლიანად ტალიბანის დაქვემდებარებაშია.
მეამბოხეებს ბრალი ასევე ჯაშუშობაში ეჭვმიტანილი 7 წლის ბიჭის ჩამოხრჩობასა და შარშან გაქცევის მცდელობისას დაკავებული ახალგაზრდა წყვილის ჩაცხრილვაში ედებათ.
წყარო:
