როგორც www.euronews.net იუწყება, მას შემდეგ, რაც სერბეთის ხელისუფლებამ უსაფრთხოების პრობლემების გამო ბელგრადის გეი “პრაიდის” მსვლელობისათვის ადგილის შეცვლა ითხოვა, ლგბტ უფლებათა აქტივისტებმა კვირას, 20 სექტემბერს დაგეგმილი ღონისძიება გადადეს.

ულტრანაციონალისტები და ფეხბურთის ხულიგნები “პრაიდის” მონაწილეებს თავდასხმით დაემუქრნენ.

ღონისძიების გადადება მოხდა პრეზიდენტ ბორის ტადიჩის მიერ პირობის დადებიდან, რომ იგი დაიცავდა მსვლელობას, მხოლოდ რამდენიმე საათის შემდეგ.

მომხდართან დაკავშირებით “პრაიდის” საორგანიზაციო კომიტეტის წევრმა მაჟდა პუაკამ განცვიფრებით განაცხადა: “სერბეთმა თავი მოუხარა რამოდენიმე მოძალადე ჯგუფის მუქარებს. შესაბამისად, სახელმწიფოს გადაწყვეტილება, სადმე სხვაგან, “სერბეთის სასახლის” მახლობლად მდებარე მინდორზე ჩაეტარებინა მარში, მსვლელობა უსარგებლოდ და ყოველგვარ აზრს მოკლებულად გადააქცია.”

ცხადია, მოვლენების მსგავსი განვითარება ეჭვქვეშ აყენებს სერბეთის მისწრაფებას, გახდეს უფრო მეტად ღია საზოგადოება – უახლესი სისხლიანი ისტორიის კვალზე.

2001 წელს ერთადერთ გეი “პრაიდს”, რომელიც ქვეყნის დედაქალაქში გაიმართა, ნაციონალისტები ჩაუსაფრდნენ, რის შედეგადაც ღონისძიების მრავალი მონაწილე და პოლიციელი დაშავდა.